Հայաստանի Սահմանադրության 30-ամյակի առթիվ Ալեքսանդր Սպենդիարյանի անվան օպերայի և բալետի ազգային թատրոնում տոնական միջոցառում է տեղի ունեցել:

Միջոցառմանը ներկա են եղել վարչապետ Նիկոլ Փաշինյանը, ՀՀ նախագահ Վահագն Խաչատուրյանը, Սահմանադրական դատարանի նախագահ Արման Դիլանյանը, ինչպես նաև պետական բարձրաստիճան պաշտոնյաներ և օտարերկրյա դիվանագետներ:

Շնորհավորական ելույթներ են ունեցել վարչապետը, նախագահը և ՍԴ նախագահը: Նիկոլ Փաշինյանը շնորհավորել է ներկաներին Սահմանադրության օրվա կապակցությամբ և անդրադարձել «Իրական Հայաստան» գաղափարախոսությանը:

Վարչապետը նշել է, որ Սահմանադրության թեման վերջին տարիներին սերտորեն կապված է եղել պետության և քաղաքացիների փոխհարաբերությունների հետ: Նրա խոսքով՝ հայ ժողովրդի պատմական փորձառությունից բխում է բնօրինակ մոտեցում, որն անհրաժեշտ է հաշվի նստել Սահմանադրության վերանայման հարցում:

«Մեր քաղաքացիները հաճախ ընկալում են հայրենիքը որպես պետությանը հակադրվելու հարթակ: Դրա պատճառը, իմ կարծիքով, հնարավոր է, որ մեր գործող Սահմանադրությունները, սկսած 1995 թվականից, ժողովրդի ազատ կամարտահայտման արդյունք չեն եղել: Այդ իսկ պատճառով անհրաժեշտ է նոր Սահմանադրություն, որը կհաստատվի ժողովրդի կողմից և կդառնա նրա կյանքի կանոնը»,— նշել է Նիկոլ Փաշինյանը:

Վարչապետի խոսքով՝ նոր Սահմանադրությունը պետք է հստակեցնի, որ պետությունը և հայրենիքը նույնական են, իսկ քաղաքացին՝ հենց Հայաստանի Հանրապետության շարժիչ ուժն է: