Այսօր Հայաստանյան Առաքելական եկեղեցին նշում է Սուրբ Կույս Աստվածամայր Մարիամի ծննդյան տոնը:

Ըստ Qahana.am-ի, Ս. Աստվածածնի ծնունդի մասին տեղեկությունները չեն նշվում Աստվածաշնչի մեջ, այլ փոխանցվել են Եկեղեցու սրբազան ավանդությամբ: Կույս Մարիամի ծնողները՝ Հովակիմն ու Աննան, երկար ժամանակ երեխա չէին ունենում, քանի որ Աննան ամուլ էր: Եվ այն բանից հետո, երբ Աննան պարտեզում աղոթում էր, Տիրոջ հրեշտակը հայտնվում է նրան և հայտնում ուրախալի լուրը, որ նա զավակ է ունենալու, ում բոլոր ազգերն երանի կտան:

Աննան գոհություն է հայտնում Աստծուն իր անընդհատ աղոթքները լսելու համար և խոստանում է իր զավակին նվիրել Աստծուն: Նույն տեսիլքը տեսնում է նաև Հովակիմը և փառաբանում Բարձրյալին այդ մեծ շնորհին արժանանալու համար: Աննան հղիանում է և ունենում աղջիկ, ում անվանում են Մարիամ, ինչը նշանակում է “լուսավորյալ”: Նա այն ընտրյալն էր, ում Աստված արժանել էր իր առաքինությունների շնորհիվ լինել Աստծո մայր:

Սուրբ Կույս Մարիամը տառապեց իր Որդու համար, բայց չերկնչեց և չդիմաց Աստծուն, գիտակցելով իրեն հանձնարարված առաքելության կարևորությունը: Նա առաքինի և հավատավոր մոր մարմնացումն է, ընտանեկան սրբության պահապան:

Հայ Եկեղեցին Աստվածամայրը ծննդյան տոնը նշում է սեպտեմբերի 8-ին: