Հայաստանի կրթական համակարգը բախվում է լուրջ խնդիրների, որոնցից մեկն այն է, որ մասնագետները սկզբում ստանում են դիպլոմ, ապա փորձում են հասկանալ՝ ինչպես կարող են իրենց գիտելիքները կիրառել գործնականում։ Այս մասին հայտարարեց վարչապետ Նիկոլ Փաշինյանը Կառավարության հուլիսի 17-ի նիստում։

«Անհրաժեշտ է, որ մարդը դիպլոմ ստանալու պահին արդեն ունենա համապատասխան հմտություններ՝ առնվազն կրտսեր մասնագետի մակարդակով։ Դա թույլ կտա՝ դիպլոմը տեսնող ցանկացած կազմակերպություն վստահ լինել, որ նոր մասնագետը կկարողանա ինքնուրույն աշխատել, առանց լրացուցիչ ստուգումների»,— ընդգծեց վարչապետը։

Կրթության, գիտության, մշակույթի և սպորտի նախարար Ժաննա Անդրեասյանը նշեց, որ մասնավոր ընկերությունները հաճախ ստեղծում են իրենց ուսուցման կենտրոնները, սակայն դա չի ապահովում այն արդյունավետությունը, որը հնարավոր է պետության և մասնավոր հատվածի համագործակցության պայմաններում։

«Մեր նպատակն է՝ մասնավոր ընկերություններին ներգրավել կրթական գործընթացում, որպեսզի ուսանողները ձեռք բերեն գործնական հմտություններ։ ԿԱՊԾԻՍ, կրթական ծրագրերը պետք է մշակվեն հատուկ պրակտիկայի հիման վրա՝ համաձայնեցված մասնավոր ընկերությունների հետ։ Այսպես մենք կարող ենք ապահովել այն նույն գործնական պատրաստվածությունը, որն այսօր իրենց ուսուցման կենտրոններում տրվում է 6 ամսվա ընթացքում»,— հայտարարեց Անդրեասյանը։