Շվեդիան հրաժարվում է հանցագործների վերականգնողական մոտեցումից և անցնում է ԱՄՆ-ի քրեական իրավունքի խստացված մոդելին՝ օգտագործելով զանգվածային բանտարկությունները։ Միևնույն ժամանակ, երկիրը պլանավորում է վարձակալել բանտային տարածքներ Էստոնիայում՝ պատժախուցներում ազատ վայրերի խիստ պակասի պատճառով։ Այս տեղեկությունը հաստատում են The Guardian-ին տված փորձագիտական մեկնաբանությունները։

Շվեդիայի քրեական արդարադատության համակարգը կատարյալ վերափոխման գործընթացում է։ Առաջին քայլերից մեկը դարձել է բանտային տարածքների աութսորսինգը այլ երկրներին։ Այս միջոցառումը իրականացվում է աջակողմյան կառավարության կողմից, որը համառ պայքար է մղում խմբակային բռնության դեմ և բախվում բանտերի գերբնակեցման խնդրին։ Վերջերս Արդարադատության նախարարությունը հրահանգել է Կրիմինալվարդենին (Շվեդիայի բանտերի և պրոբացիայի ծառայություն)՝ նախապատրաստվելու Էստոնիայի հետ համագործակցությանը։

Ստոկհոլմի և Տալլինի միջև հունիսին կնքված պայմանագրի համաձայն՝ Էստոնիան կտրամադրի մինչև 600 բանտային տեղ Շվեդիայի համար։

Կրիմինալվարդենի վերջին զեկույցի տվյալներով՝ Շվեդիայում բանտարկյալների թիվը կարող է կտրուկ աճել։ Եթե 2024 թվականին դրանց թիվը կազմել է 7800, ապա 2034 թվականին այն կարող է հասնել 41000-ի։ Նման աճը կապված է աջակողմյան քաղաքական ուժերի կողմից պատժամիջոցների խստացման հետ։

Շվեդիայի իշխանությունները չեն հասցնում հաղթահարել հանցագործների թվի պայթյունավտանգ աճը, հատկապես խմբակային բռնության դեպքերի սրման պայմաններում։ Բանտային համակարգի ղեկավար Յոակիմ Ռիգամմարը նշել է, որ շվեդական բանտերն արդեն անցել են գերբնակեցման կրիտիկական մակարդակը։ Առավել մտահոգիչ է անչափահաս հանցագործների թվի աճը՝ հատկապես երկարատև կալանքի նկատմամբ դատապարտված դեռահասների։ Վերջին օրինական փոփոխությունների համաձայն՝ մինչև 15 տարեկան անձանց կարող են դատապարետել 10 տարի կամ ավելի բանտարկության։ Պահպանողական կառավարությունը, որը հենվում է «Շվեդիայի դեմոկրատներ» աջ ծայրահեղական կուսակցության աջակցության վրա, քննարկում է հանցագործների համար պատասխանատվության տարիքի սահմանը 15-ից իջեցնել մինչև 14 տարեկան։