Միքայել Սրբազանի փաստաբանական խմբի անդամ Արա Զոհրաբյանը հայտարարել է, որ Շիրակի թեմի առաջնորդ Միքայել արքեպիսկոպոս Աջապահյանի կողմից Քննչական կոմիտե ներկայանալը կամավոր եղել է։

Մամուլի ասուլիսի ժամանակ Զոհրաբյանն ասել է. «Կար երկու տարբերակ՝ կամ կամավոր գնալ, կամ հարկադրաբար տարանել։ Երրորդ տարբերակ չկար, չնայած որոշները զգացմունքային մոտեցում ունեին»։

Փաստաբանի խոսքով՝ սրբազանը որոշել է կամավոր ներկայանալ. «Մենք գիտեինք, որ հակառակ դեպքում ուժ կկիրառվեր։ Երբ մենք քննարկում էինք, ԱԱԾ-ի աշխատակիցները սպասում էին դրսում։ Հետագայում պարզվեց, որ դիմակավորված հատուկ ջոկատայիններ մտել էին Մայր Աթոռի տարածք, իսկ ամբողջ Էջմիածինը լցված էր ոստիկանությամբ։ Մինչ այդ մենք քահանաներին տեղեկացրել էինք սրբազանի որոշման մասին, ինչն իրենց մեջ բացասական արձագանք առաջացրեց։ Շատերը դա համարեցին եկեղեցու հանդեպ ուղղված քայլ, հատկապես քանի որ ընտրվել էր Քահանայաց ժողովի օրը»։

Զոհրաբյանը ավելացրել է, որ ոստիկանությունը հայտնել է կհեռանա, եթե սրբազանը կամավոր ներկայանա. «ՔԿ հասնելիս փորձել են բռնել Միքայել Սրբազանի ձեռքերը, բայց մենք կանխեցինք։ Նա քննչի սենյակ է մտել առանց ուժային ուղեկցության։ Երբ գրում են, թե ձերբակալվել է, մենք շտկում ենք՝ այն պարզաբանելով, որ հանդիպումը կամավոր էր»։