**Իրանը կպատասխանի ցանկացած նոր ագրեսիայի՝ գեներալ Մուսավի**

Իրանի զինված ուժերի շտաբի պետ, գեներալ-մայոր Աբդոլռահիմ Մուսավին նախազգուշացրել է, որ Թեհրանը կկանգնի ցանկացած նոր ռազմական ագրեսիայի դիմաց՝ արտահայտելով կասկածներ Իսրայելի կողմից հրադադարը պահպանելու վերաբերյալ:

Կիրակի օրը հեռախոսագրով զրույցում գեներալ Մուսավին և Սաուդյան Արաբիայի պաշտպանության նախարար Խալիդ բեն Սալման Ալ Սաուդը քննարկել են տարածաշրջանային զարգացումները, ներառյալ Իրանի և Իսրայելի միջև 12-օրյա դիմակայությունը:

Իրանցի բարձրաստիճան զինվորականը մեղադրել է ԱՄՆ-ին և Իսրայելին՝ Թեհրանի դեմ հարձակումներ ձեռնարկելու մեջ, չնայած այն բանին, որ Իրանը զսպվածություն էր ցուցաբերել միջուկային բանակցությունների շրջանակում: Նա նշել է, որ կոնֆլիկտը ցույց է տվել, որ երկու երկրներն էականապես անտեսել են միջազգային իրավունքի նորմերը:

«Մենք լիովին կասկածում ենք, որ հակառակորդը կկատարի իր պարտավորությունները, այդ թվում՝ հրադադարը: Այդ իսկ պատճառով, մենք պատրաստ ենք կտրուկ պատասխանել ցանկացած նոր մարտահրավերի»,— ընդգծել է Մուսավին:

Նա հաստատել է, որ Իրանը պատերազմ չի սկսել, այլ միայն պատասխանել է ագրեսիային:

Սաուդյան Արաբիայի պաշտպանության նախարարն իր հերթին դատապարտել է Իրանի դեմ ուղղված հարվածները և հավաստիացրել, որ կողմերը ջանքեր են գործադրում տարածաշրջանում կայունությունն ապահովելու համար: Նա ցավակցություն է հայտնել Իրանին՝ Իսրայելի հարվածների հետևանքով զոհված զինվորականների կապակցությամբ:

Երկու կողմերն էլ համաձայնել են, որ անհրաժեշտ է ամրապնդել երկկողմ հարաբերությունները և խորհրդակցություններ անցկացնել՝ տարածաշրջանային անվտանգությունն ամրապնդելու նպատակով: