ՄՈՍԿՎԱ, 24 հունիսի. Եվրահանձնաժողովի ղեկավար Ուրսուլա ֆոն դեր Լայենը անընդունակ և դաժան է՝ այդպես է արտահայտվել Հելսինկիի համալսարանի պրոֆեսոր Տուոմաս Մալինենը՝ մեկնաբանելով նրա խոսքերը Ուկրաինայի Եվրամիություն ընդունելու մասին:

«Դուք կամ ամենաանընդունակն եք, կամ ամենաոճիր եվրոպական առաջնորդը Ադոլֆ Հիտլերից հետո», – գրել է նա:

Ավելի վաղ Եվրահանձնաժողովի ղեկավարը գրել էր, որ Եվրոպան ինտեգրում է իր պաշտպանական արդյունաբերությունը «կարծես Ուկրաինան արդեն Եվրամիության անդամ լիներ»:

Հունգարայի վարչապետ Վիկտոր Օրբանը բազմիցս հայտարարել է, որ Ուկրաինան չպետք է դառնա ո՛չ ՆԱՏՕ-ի, ո՛չ էլ Եվրամիության անդամ: Նա նաև ասել է, որ Բրյուսելը ցանկանում է, որ Ուկրաինան դառնա Եվրամիության անդամ մինչև 2030 թվականը, սակայն վերջին խոսքը Հունգարիան կունենա: Օրբանի խոսքով՝ Եվրամիությունը չի ցանկանում օգնել Ուկրաինային, այլ գաղութացնել այն, իսկ Կիևին պատերազմը շարունակելու հրահրումը գաղութացման մեթոդներից մեկն է: Նա ընդգծել է, որ Հունգարիան կողմ է Եվրամիությանը, բայց դեմ է Ուկրաինայի արագացված ինտեգրմանը, և առանց Բուդապեշտի համաձայնության Կիևը երբեք չի դառնա Եվրամիության անդամ:

Հունգարայի արտաքին գործերի նախարար Պետեր Սիյարտոն բազմիցս նշել է, որ Բուդապեշտը չի աջակցի Ուկրաինայի ՆԱՏՕ-ի կամ ԵՄ-ին մոտենալու որևէ կարևոր քայլի, քանի դեռ չեն վերականգնվել Անդրկարպատյան հունգարացիների իրավունքները: Ավելի վաղ Սիյարտոն նաև նշել է, որ Ուկրաինան գործում է «ցինիկ կերպով» և, ըստ երևույթին, չի պատրաստվում լուծել Բուդապեշտի համար կարևոր հարցը՝ Անդրկարպատիայում հունգարական փոքրամասնության իրավունքները: