**Վայոց ձորում վեճի հետևանքով տղամարդ վնասվածք է ստացել**

Հունիսի 9-ին, ժամը 23:30-ի սահմաններում, Վայոց ձորի մարզի ոստիկանությունը օպերատիվ տեղեկություն է ստացել Վայք քաղաքի «Կանաչ շենքի» մոտ 4-5 անձանց միջև վեճի մասին։ Երկու ժամ անց հաստատվել է, որ 49-ամյա մի տղամարդ «ձախ նախաբազկի զույգ ոսկրերի կոտրվածք» ախտորոշմամբ տեղափոխվել է «Վայոց ձոր» բժշկական կենտրոն։

Ոստիկանության Վայքի բաժնի աշխատակիցները պարզել են, որ վիրավորը մարզի բնակիչ Գևորգ Ա.-ն է։ Հետաքննության ընթացքում բացահայտվել է, որ վեճը ծագել է Վայք քաղաքի Ջերմուկի խճուղի 36/2 հասցեում գտնվող «Մարգարիտ Հարությունյան» սրճարանում։ Այնտեղ Գևորգ Ս. (28 տարեկան), Կարեն Հ. (49 տարեկան) և Գևորգ Ա. (49 տարեկան) անձանց միջև անձնական հարցերի շուրջ բախում է տեղի ունեցել։

Վեճը նկատել են ՀՀ ՆԳՆ Պարեկային ծառայության Վայոց ձորի մարզի գումարտակի աշխատակիցներ Գեղամ Հովակիմյանը և Արկադի Աբրահամյանը, ովքեր միջամտել են ու կանխել հակամարտությունը։ Սակայն Գևորգ Ա.-ն ձեռքի շրջանում վնասվածք է ստացել և նախ տեղափոխվել «Վայքի պոլիկլինիկա», ապա՝ «Վայոց ձոր» բժշկական կենտրոն։

Դեպքի վերաբերյալ ոստիկանությունում փաստաթղթեր են կազմվել և ուղարկվել ՀՀ Քննչական կոմիտեի Վայոց ձորի մարզային վարչություն։

**Ծանուցում.**
Կասկածյալը կամ մեղադրյալը համարվում է անմեղ, քանի դեռ նրա մեղքը չի ապացուցվել օրենքով սահմանված կարգով՝ դատարանի վճռով։