**Ողբերգական մահ Երևանում. մեքենայում հայտնաբերվել է 62-ամյա տղամարդու դի**

Այսօր՝ հունիսի 23-ին, Երևանում ողբերգական դեպք է տեղի ունեցել։ Ժամը 10:50-ին ՀՀ ՆԳՆ Դավիթաշենի համայնքային ոստիկանության բաժինը տեղեկություն է ստացել, որ Մելքումով 2/2 հասցեում կայանված ավտոմեքենայում տղամարդու դի է հայտնաբերվել։

Դեպքի վայր են ժամանել ոստիկանության Դավիթաշենի բաժնի հերթապահ խումբը՝ բաժնի պետ Արմեն Հարությունյանի գլխավորությամբ, ինչպես նաև Երևանի պարեկային ծառայության աշխատակիցներ՝ գումարտակի հրամանատար Գոռ Առաքելյանի և նրա տեղակալ Դավիթ Նիկողոսյանի ղեկավարությամբ։

Ոստիկանները պարզել են, որ «Samand» մակնիշի մեքենայի ուղևորը Երևանի 62-ամյա բնակիչ Յուրի Ա.-ն է, որը հանկարծամահ է եղել։

Դեպքի մասին տեղեկությունը փոխանցվել է ՀՀ քննչական կոմիտեի Երևան քաղաքի քննչական վարչությանը։ Քննչական խումբը՝ բաժնի պետ Էդգար Բալոյանի և հերթապահ քննիչի գլխավորությամբ, ժամանել է տեղանք։

Դատաբժշկական նախնական զննությամբ դիակի վրա բռնության հետքեր չեն հայտնաբերվել։

Դեպքի շրջանակներում քննչական բաժնում «սպանություն» (հանկարծամահություն) հատկանիշներով նախաձեռնվել է քրեական գործ։ Քննվում է մեքենայի սեփականատիրոջ և վարորդի ինքնությունը։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի օրինական ուժի մեջ մտած դատավճռով։