Իսլամական համագործակցության կազմակերպության ԱԳ նախարարների խորհրդի նիստում, որին մասնակցել է Հայաստանի վարչապետ Նիկոլ Փաշինյանը, ընդունվել է «Ստամբուլյան հռչակագիրը»։ Փաստաթուղթն ընդունվել է Ադրբեջանի նախաձեռնությամբ և ներառում է 5 բանաձև, որոնցում հիշատակվում է Հայաստանը։ Այս մասին տեղեկացրել է ԱԺ «Պատիվ ունեմ» խմբակցության քարտուղար Տիգրան Աբրահամյանը։

Հռչակագրում նշվում է, որ «բռնի տեղահանված ադրբեջանցիներն իրավունք ունեն վերադառնալ Հայաստան»։ Փաստաթղթում Հայաստանը ներկայացված է որպես «Արևմտյան Ադրբեջան»:

Ավելի ուշ Հայաստանին ուղղված կոչ է հնչել վերացնել խոչընդոտները՝ խաղաղության կնքման համար։

Տիգրան Աբրահամյանը նշել է, որ Հայաստանի իշխանությունները հրաժարվել են Արցախի բնակիչների իրավունքների պաշտպանությունից, տարածքների վերադարձի եւ օկուպացված հողերի վերաբերյալ վեճերից։ Ստեղծված իրավիճակում Ադրբեջանը միջազգային ասպարեզ առաջ է տանում «Արևմտյան Ադրբեջան» տերմինը, որը ընդգրկում է Հայաստանի զգալի տարածք։

Նա նաև ավելացրել է, որ Ադրբեջանի բանակցային գործընթացում աճող պահանջատիրության ֆոնին, Հայաստանը չի ստորագրել փաստաթուղթը, ինչն էլ զգալի բացասական հետևանքներ կարող է ունենալ։

«Իշխանությունը երկիրը մղել է թուրքական թակարդ, որտեղ Հայաստանի միակ դերը հնազանդվելն ու հանդուրժելն է», — գրել է Աբրահամյանը։