Հայ Առաքելական Եկեղեցու Ռուսաստանի և Նոր Նախիջևանի թեմերն ընդհանուր հայտարարություն են տարածել՝ դատապարտելով ազգային եկեղեցու ուղղությամբ Հայաստանի իշխանությունների քաղաքականությունը։

«Մենք՝ Սուրբ Հայ Առաքելական Եկեղեցու այս թեմերի հոգևորականները, խորը մտահոգությամբ և խստորեն դատապարտում ենք Հայաստանի իշխանությունների հակասահմանադրական, աստվածամերժ և հակաեկեղեցական քաղաքականությունը, ինչպես նաև հոգևորականների անօրինական ձերբակալությունը և նրանց վարկաբեկումը: Նշենք նաև Հայ Եկեղեցու պաշտպանության համար ձայն բարձրացրած քաղաքացիների հետապնդումն ու կալանավորումը»։

Մատնանշվում է, որ այս հակազգային արշավը, ուղեկցվելով պետական պաշտոնյաների անպարկեշտ բառապաշարով և զրպարտչական տեղեկատվության տարածմամբ, թունավորում է հանրային գիտակցությունը, ինչն էլ վտանգավոր է Հայրենիքի համար՝ թուլացնելով ազգային միասնությունը։

Եկեղեցու հավատացյալներին կոչ ենք անում զգոն լինել, չտրվել սադրանքներին և չհավատալ սուտ տեղեկատվություններին, որոնք Աստծո առաջ չընդունելի են։

«Մենք կոչ ենք անում ազգային միասնության և արժեքների պաշտպանության, հավատարիմ մնալու Սուրբ Էջմիածնին՝ հայության հոգևոր կենտրոնին, և Կաթողիկոս Գարեգին Բ-ի ղեկավարությանը՝ պաշտպանելով բոլոր մարտնչող և հավատարիմ հոգևորականներին»,- ասվում է թեմերի հայտարարության մեջ։