ՀՀ գլխավոր դատախազությունը քնարկում է փաստաբան Էրիկ Ալեքսանյանի դիմումը՝ փաստաբան Ալեքսանդր Կոչուբաևի կալանքի միջոցը փոխելու վերաբերյալ:

Այս մասին իր ֆեյսբուքյան էջում հայտնել է ՀՀ գլխավոր դատախազի խորհրդական Լուսինե Մարտիրոսյանը՝ նշելով. «Փաստաբանի՝ գլխավոր դատախազին ուղղված դիմումը բժշկական փաստաթղթերի հետ միասին արդեն մուտք է գործել Դատախազություն և գտնվում է քննարկման փուլում»:

Ավելի վաղ Էրիկ Ալեքսանյանը հրապարակավ դիմել էր գլխավոր դատախազ Աննա Վարդապետյանին՝ խնդրելով վերացնել Ալեքսանդր Կոչուբաևի նկատմամբ կիրառված կալանքի միջոցը։ Դիմումում նշված է. «Հարգելի տիկին Վարդապետյան, հիմնվելով այն հանգամանքի վրա, որ քրեական գործը դեռ չի փոխանցվել դատարան, խնդրում եմ Ձեզ վերացնել կալանքը, քանի որ Կոչուբաևի կնոջ առողջական վիճակը երեխայի ծննդից հետո վատթարացել է։ Նման տեղեկություններ պարունակում են բժշկական գաղտնիք, բայց պատրաստ ենք զեկուցել դրանք Ձեզ».

Հիշեցնենք, որ Ալեքսանդր Կոչուբաևը կալանավորվել է 2 ամսով։

Քննչական կոմիտեի տվյալներով՝ քրեական վարույթի նախաքննության ընթացքում 1 անձի դեմ հարուցվել է հանրային քրեական հետապնդում՝ Քրեական օրենսգրքի 490-րդ հոդվածի 2-րդ մասով, որը վերաբերում է դատավորների, դատախազների կամ քննիչների իրավունքներին ու շահերին վնաս հասցնող տեղեկությունների հրապարակմանը, կապված նրանց պաշտոնական գործունեության հետ: