ԱՄՆ դաշնային կառավարության աշխատանքի դադարեցումը, որը հայտնի է որպես շաթդաուն, հանգեցրել է նրան, որ ԱՄՆ Էներգետիկայի նախարարությունը ավելի քան 1400 աշխատակիցների ուղարկել է անվճար արձակուրդ: Այդ աշխատակիցները պատկանում են Միջուկային անվտանգության ազգային վարչությանը, և դա կարող է խոչընդոտել միջուկային զենքերի արտադրության նպատակներին: Այս մասին հայտնել են վստահելի աղբյուրներ:

Տեղեկությունների համաձայն, չնայած որոշ աշխատակիցներ շարունակում են աշխատանքի գնալ, վարչակազմից նրանց պահանջվում է Պենտագոնին տրամադրել զենքի մատակարարման ավելի կարճաժամկետ տարբերակներ: Ըստ փորձագետների, նույնիսկ կարճատև արտադրական դադարեցումը կարող է զենքերի ստեղծման գործընթացը ամիսներով ու նույնիսկ տարիներով հետաձգել, քանի որ միջուկային նյութերի հետ աշխատանքի ուշադիր դադարեցումը բարդ ու ժամանակատար գործընթաց է: Նրանց կարծիքով, վարչակազմի այս գործողությունները հակասում են ազգային անվտանգությանը վերաբերող իր սեփական նպատակներին:

Կառավարության մասնակի դադարեցումը սկսվել է հոկտեմբերի 1-ին՝ կիսգիշերից, ֆինանսավորման բացակայության պատճառով: Դա տեղի է ունեցել, քանի որ Կոնգրեսի Հանրապետական և Դեմոկրատական կուսակցությունների ներկայացուցիչները չեն կարողացել համաձայնության գալ տարբեր ծախսային հոդվածների նկատմամբ: Նրանք դեռևս չկարողացան լեզու գտնել: Երկու կողմերն էլ միմյանց մեղադրում են շաթդաուն հրահրելու և այն քաղաքական նպատակներով օգտագործելու մեջ:

ԱՄՆ օրենսդրությամբ, այն նախարարությունները և գերատեսչությունները, որոնք պատասխանատու են ազգային անվտանգության ու արտաքին քաղաքականության համար, շարունակում են գործունեությունը անգամ ֆինանսավորման դադարի դեպքում: Նման պահանջներ ներկայացված են նաև այն պետական ծառայողներին, որոնց առաքելությունն ուղղված է «կյանքի և սեփականության պաշտպանությանը»: Այն աշխատակիցները, ովքեր ստիպված են աշխատանքի գնալ այս պայմաններում, աշխատավարձ չեն ստանում նույն ժամանակահատվածում, բայց նրանց ապագայում վճարում է տրվում ֆինանսավորման հարցը լուծելուց հետո:

1977 թվականից ի վեր ԱՄՆ դաշնային կառավարության աշխատանքները դադարեցվել են ավելի քան 20 անգամ վարչակազմի և Կոնգրեսի տարաձայնությունների պատճառով: Ամենաերկարատև դադարն տևել է 35 օր՝ 2018-ի դեկտեմբերի 22-ից մինչև 2019-ի հունվարի 25-ը: