Գերմանիայի դաշնային կառավարության գիտական խորհրդատվական խորհուրդը առաջարկում է աստիճանաբար բարձրացնել կենսաթոշակի տարիքը մինչև 73 տարեկան՝ նկատի ունենալով ժողովրդագրական միտումները, այս մասին տեղեկացնում է Bild-ը:

Գիտական խորհրդատվական խմբի զեկույցում, որում ընդգրկված են չորս գերմանացի տնտեսագետներ, բարձրաձայնվում է այն մասին, որ անհրաժեշտ է անհապաղ բարեփոխել կենսաթոշակային համակարգը:

Վերլուծաբանները հավելում են, որ Գերմանիայի տնտեսական արդյունքը երկար ժամանակ մնացել է անբավարար՝ հաշվի առնելով արտադրողականության աճի իջեցմանը և ժողովրդագրական կառուցվածքային խնդիրներին:

Նրանք նշում են. «Մենք ստիպված ենք ավելի շատ աշխատել՝ եթե ցանկանում ենք պահպանել սոցիալական ապահովագրության համակարգի չափը՝ առանց ապագա սերունդների համար ավելորդ բեռ պատրաստելու։ Կենսաթոշակային տարիքը պետք է կապված լինի կյանքի տևողության հետ»։

Օրինակների շարքում փորձագետները նշում են Դանիան, որտեղ կենսաթոշակի տարիքը հաշվարկվում է կյանքի տևողությամբ, և այժմյան գնահատականներով մինչև 2040 թվականը այն կհասնի 70 տարեկան:

Գերմանիայում կենսաթոշակի տարիքը այժմ 65 տարեկան է, սակայն մինչև 2031 թվականը նախատեսվում է այն բարձրացնել մինչև 67 տարեկան։ 2006 թվականից ի վեր տարիքը աստիճանաբար փոփոխվում է՝ համապատասխանեցում կատարելով կյանքի տևողությանը: