«Կորպորասիոն Ամերիկա Ս.Ա.» ընկերության նախաձեռնությամբ և «Արմենիա» Միջազգային օդանավակայաններ» ՓԲԸ-ի հետ համագործակցությամբ մեկնարկում է «Հայաստանի շրջանավարտների մասնագիտական զարգացման» ծրագիրը՝ ուղղված Հայաստանում միջազգային հեռանկարներ ունեցող ուսանողների բացահայտմանը:

Այս ծրագիրը, որպես «Հայաստանի սկսնակ լիդերներ» ծրագրի մաս, բացառում է եզակի հնարավորություն վերջերս ավարտած հայ շրջանավարտների և կարիերայի սկզբնական փուլում գտնվող մասնագետների համար, որպեսզի նրանք ձեռք բերեն գործնական փորձ «Զվարթնոց» միջազգային օդանավակայանում։ Այն շարունակվում է նրանց միջազգային գործուղումով՝ «Կորպորասիոն Ամերիկա օդանավակայաններ» ցանցի մասնաճյուղերից մեկում՝ Արգենտինա, Բրազիլիա, Էկվադոր, Իտալիա կամ Ուրուգվայ:

Ծրագրի ավարտից հետո մասնակիցները վերադառնում են Հայաստան՝ իրենց մասնագիտական ուղին շարունակելու և ավիացիայի ու ենթակառուցվածքների զարգացմանը նպաստելու համար։

Ծրագիրն ուղղված է առաջնորդության, նորարարության և միջմշակութային համագործակցության խթանմանը՝ տրամադրելով համապարփակ աջակցություն. ներառյալ վերապատրաստում, ժամանակավոր տեղափոխման աջակցություն, մենթորություն և մրցունակ վարձատրություն։

Ծրագրի մանրամասներին ծանոթանալու վերջնաժամկետը հոկտեմբերի 31-ն է։