ԱԺ պատգամավոր Թագուհի Թովմասյանն արձագանքել է ԱԺ ՔՊ խմբակցության քարտուղար Արթուր Հովհաննիսյանի կողմից իր հասցեին հնչեցրած անպարկեշտ հայտարարություններին։

«Արթուր Հովհաննիսյանի դաստիարակության խնդիրն արդեն ուշացած է։ Դիմում եմ նրա մայրիկին՝ տիկին Հովհաննիսյան, խնդրում եմ նստել որդու հետ և բացատրել, որ կնոջ մասին նման բառապաշարով խոսելը ոչ պատշաճ է։ Հորդորում եմ անել դա իբրև մայր, որպեսզի ընտանիք ունեցող մարդը հասկանա անպատվության հետևանքները։

Արթուր Հովհաննիսյանին ներկայացվող մեղադրանքներիս թվում է, որ նա շատ անգամ դատավճիռներով հաստատված զրպարտիչ է։ Յուրաքանչյուր ստի համար նա պետք է պատասխանատվություն կրի։ Իրավաբանները կզբաղվեն այս հարցով։

Հայտնում եմ, որ ես չունեմ գույք Հյուսիսային պողոտայում, ինչպես նաև չորս տուն։ Իմ ունեցվածքը հայտարարագրված է և տարիներ առաջ գնում կատարված է հիփոթեքով։ Իր տարածած ստերը չպետք է շարունակի հանրային դաշտը թունավորել։

Խորհրդարանն անհրաժեշտ է զերծ պահել խուլիգանությունից, ստերից և անհիմն մեղադրանքներից», – նշել է Թովմասյանը։

Հիշեցնենք, որ Թագուհի Թովմասյանն պահանջել էր Արթուր Հովհաննիսյանը պարտադիր թեստավորվի թմրամիջոցների օգտագործման համար և դրա արդյունքները հրապարակվեն։ Ի պատասխան, ՔՊ ներկայացուցիչը նշել էր, որ եթե Թովմասյանն ունի չորս տուն՝ բացառապես լրագրողի աշխատանքով զբաղվելուց, ապա պետք է պարզաբանել այն։ Նա ընդգծել էր, որ եթե Թովմասյանը իրեն թույլ է տալիս նման առաջարկներ անել, ապա հնարավոր է պահանջել, որ Թովմասյանը ամեն օր սեռավարակի թեստ հանձնի՝ պարզելու նրա գույքի աղբյուրը։