Հարգելի գործընկերներ, տեղեկացնում եմ, որ որոշեցի առաջադրել իմ թեկնածությունը ՀՀ փաստաբանների պալատի նախագահի ընտրություններին, որոնք կանցկացվեն սեպտեմբերի 13-ին, 2025թ.: Այս մասին Facebook-ի իր էջում հայտնել է Սիմոն Բաբայանը։

Նա գրել է, որ որոշումը կայացրել է՝ հաշվի առնելով իր թիմի և գործընկերների կարծիքը, ինչպես նաև անցած տարիների ծրագրերի արդյունքների հիման վրա, ներառյալ դրանց շարունակականության ապահովման անհրաժեշտությունը։

Վերջին չորս տարիների ընթացքում Հայաստանի փաստաբանական ինստիտուտը բախվել է բազմաթիվ փորձությունների հետ և ներկայումս էլ կանգնած է լուրջ մարտահրավերների առջև: Դրանք ընդգրկում են փաստաբանների անկախության դեմ ոտնձգությունները, իրավունքների խախտումները, հարկային անհամաչափ բեռը, հանրային պաշտպանության գերբեռնումը, սոցիալական աջակցության պակասը և մարզային խնդիրները։ Այս խնդիրները շարունակում են պահանջել համապարփակ լուծումներ:

Ակնհայտ է, որ փաստաբանական ինստիտուտը պետք է դիմակայի արտաքին ճնշումներին ևս:

Անհրաժեշտ է նշել, որ փաստաբանական համայնքի մեծ մասի կանգնած խնդիրները լուծելու հաջողությունը հնարավոր է դարձել մեր միասնականության և անկախության շնորհիվ, ինչի համար հատկապես ուզում եմ շնորհակալություն հայտնել մեր բոլոր փաստաբան գործընկերներին:

Փաստաբանությունը արդարադատության համակարգի առանցքային մասն է, քանի որ այդ ինստիտուտի միջոցով ապահովվում է խախտված իրավունքների պաշտպանությունը:

Հայաստանի փաստաբանական համայնքը մեկ գաղափարի շուրջ միավորել է երեք հազար և ավելի իրավաբանների՝ անձանց իրավունքների պաշտպանություն:

Պետք է հիշել, որ ժամանակակից իրավապաշտպանությունը կարող է ապահովվել միայն զարգացման դինամիկայի մեջ, հասարակությանը հարգանք վայելող, անկախ, օրինապահ և արհեստավարժ փաստաբանների միջոցով:

Ուստի, որպես փաստաբանական ինստիտուտի տեսլական, կարծում եմ, անհրաժեշտ է քայլ առ քայլ առաջ շարժվել, շարունակել զարգանալ, պահպանելով մեր ձեռք բերած հաջողությունները: