Հայ Առաքելական Եկեղեցու Սփյուռքի թեմակալ առաջնորդներն ու հայրապետական պատվիրակները հանդես են եկել համատեղ հայտարարությամբ՝ մտահոգություն հայտնելով Միքայել արքեպիսկոպոս Աջապահյանի և Բագրատ արքեպիսկոպոս Գալստանյանի կալանքի երկարաձգման վերաբերյալ:

«Մենք՝ Սփյուռքի թեմակալ առաջնորդներ եւ հայրապետական պատվիրակներ, խորապես մտահոգված ենք Միքայել արքեպիսկոպոս Աջապահյանի եւ Բագրատ արքեպիսկոպոս Գալստանյանի ազատության սահմանափակման պատճառով։

Հայաստանյաց Առաքելական Եկեղեցու, մեր հավատացյալների եւ հոգևոր դասի համար մեծ ցավ է բերում Հայաստանի Հանրապետության դատական համակարգի կողմից իրականացվող այս առերեսումը՝ երկու բարձրաստիճան հոգևորականների նկատմամբ ազատազրկման միջոց կիրառելուն։

Համոզված ենք, որ նրանց նկատմամբ կալանքի միջոցը կարելի է փոխարինել ազատության այլընտրանքային միջոցներով, մինչև դատական գործի արդար լուծումը։

Մեր ակնկալիքն է, որ երկու արքեպիսկոպոսների դատավարությունները կանցնեն բաց, թափանցիկ և իրավունքի գերակայության գնահատման սկզբունքով՝ պաշտպանելով բոլոր շահագրգիռ կողմերի իրավունքները։

Մենք շարունակում ենք աղոթքեր ուղղել մեր հոգևոր եղբայրների առողջության և բարօրության համար և հույս ունենք, որ արդար դատավարության արդյունքում նրանք կվերականգնեն իրենց ամբողջական իրավունքները։

Հայ Առաքելական Սուրբ Եկեղեցու Սփյուռքի թեմակալ առաջնորդներ և հայրապետական պատվիրակներ»: