ՌԴ փոխվարչապետ Ալեքսեյ Օվերչուկը հայտնել է, որ հաջորդ շաբաթ ծրագրվում է հանդիպում ադրբեջանական կողմի հետ՝ քննարկելու Հարավային Կովկասում տրանսպորտի հաղորդակցությունների ապաշրջափակման հարցերը։

«Հաջորդ շաբաթվա վերջին նախատեսված է հանդիպում ադրբեջանական կողմի հետ, որտեղ կքննարկենք Հարավային Կովկասի հաղորդակցությունների ապաշրջափակման հարցերը։ Առաջընթաց է գրանցվում»,- նշել է Օվերչուկը։

Նա նշել է, որ հանդիպումը տեղի կունենա Ռուսաստանում։

Փոխվարչապետը հայտնել է, որ գոյություն ունի եռակողմ աշխատանքային խումբ՝ Ադրբեջանի, Հայաստանի և Ռուսաստանի փոխվարչապետների մակարդակով, որը նպատակաուղղված է Ռուսաստանի, Ադրբեջանի և Հայաստանի ղեկավարների հայտարարության իններորդ կետի իրականացմանը, և մանրամասն քննարկվել են ապաշրջափակման բոլոր նրբությունները։

«Մեզ հետաքրքրում է իմանալ, թե կողմերը ինչքանով են առաջադիմել եռակողմ աշխատանքային խմբի քննարկած խնդիրների լուծման հարցում։ Կան նրբություններ, որոնք վերաբերում են Հարավային Կովկասում ՌԴ-ի շահերին, հատկապես երկաթուղային հաղորդակցությունների տեսանկյունից։ Կհետաքրքրի լսել, թե լուծումներ գտնվել են այս հարցերում»,- ասել է Օվերչուկը։

Ամփոփելով, նա նշել է, որ եթե հարցերը լուծված են, ապա պետք է անցնել տեխնիկատնտեսական հիմնավորումների և նախագծերի տնտեսական գնահատման փուլին՝ իրականացնելով ապաշրջափակման գործընթացը։ Սակայն, սա կպահանջի եռակողմ համագործակցություն՝ ՌԴ-ի, Հայաստանի և Ադրբեջանի հետ, որն արդեն իսկ գործում է։