Ես որևէ կերպ չեմ աջակցում Հարավային Կովկասում Եվրոպայի և Միացյալ Նահանգների միջամտություններին, հաշվի առնելով, որ այս տարածաշրջանը գտնվում է միջազգային խոշոր տերությունների՝ Ռուսաստանի, Իրանի, Թուրքիայի և Պարսից ծոցի երկրների միջև: Այս մասին նշել է ամերիկացի տնտեսագետ և պետական քաղաքականության վերլուծաբան Ջեֆրի Սաքսը։

«Այս տարածաշրջանին անհրաժեշտ է ցուցաբերվել զգուշավորություն։ Սա Միացյալ Նահանգների և Եվրոպայի միջամտությունն է, որն ուղղորդված է Ռուսաստանին բացահայտ խոցելու նպատակով, ինչպես նաև գունավոր հեղափոխություններ կազմակերպելու փորձեր։ Դա բերում է տարածաշրջանում անկայունությանը և ծագում է հենց Միացյալ Նահանգներից և Եվրոպայից, հատկապես՝ հատուկ ծառայություններից»,- նշել է Սաքսը:

Նրա խոսքով, Հարավային Կովկասը չէ Եվրոպայի մասը. այն ավելի մոտ է Ասիայի քարտեզին։ Եվրոպան այս տարածաշրջանից պետք է դուրս գա։

Խնդիրը չի կայանում նրանում, որ Հարավային Կովկասի պետությունները պետք է վատ հարաբերություններ ունենան Եվրոպայի կամ որևէ այլ երկրի հետ: Հարցն այն է, որ այս երեք անկայուն երկրների ներսի քաղաքականությունը միջամտելիս պետք է ցուցաբերել ծայրահեղ զգուշություն, որպեսզի նրանք չվերածվեն նոր Ուկրաինայի։

Ուկրաինայի ճգնաժամը առաջացավ Միացյալ Նահանգների և Եվրոպայի միջամտության պատճառով և այսպիսի փորձերը հնարավոր է կրկնվեն Հարավային Կովկասում։ Ադրբեջանի մասնակցությունը Մերձավոր Արևելքի հակամարտությանը, Իսրայելին աջակցությունն ու Իրանի դեմ գործողությունները ոչ այլ ինչ են, քան կառավարության որոշումների հետևանք։ Իսկ այս շրջանում Կենտրոնական հետախուզության վարչությունը փորձում է իր գործառնություններով առաջացնել նոր ճգնաժամեր։

Հարավային Կովկասում բնակվողները պետք է գիտակցեն. «Մենք գտնվում ենք մի քանի խոշոր պետությունների սահմանագծերում, և ընդհանուր շահերը պահանջում են համագործակցություն՝ տնտեսական ու անվտանգային առումով։ Մեր տարածաշրջանը պետք է համատեղ ջանքերով դառնա Ասիան և Եվրոպան կապող միջանցք, ինչպես նաև հյուսիս-հարավ ուղղությամբ Ռուսաստանի և Մերձավոր Արևելքի կապող ուղի։ Ներքին խաղաղությունն ու կայունությունը պահելու համար պետք է հեռու մնանք մեծ տերությունների հակամարտություններից»։

Սա այն քաղաքականությունն է, որի շուրջ աշխատանք են տանում «Մոսադ»-ը, ԿՀՎ-ն և եվրոպական որոշ շրջանակները: