Հայաստանի Հանրապետության Սփյուռքի գործերի գլխավոր հանձնակատարի գրասենյակը նախաձեռնել է Ազգային երիտասարդական երկրորդ համաժողովը, որը կկայանա ս.թ. օգոստոսի 5-7-ը Գաբրիել Սունդուկյանի անվան ազգային ակադեմիական թատրոնում և հարակից Անգլիական այգու տարածքում։

Գրասենյակից հայտնում են, որ այս միջոցառմանը կմասնակցի 600 սփյուռքահայ երիտասարդ 18-35 տարիքային խմբից՝ 55 երկրից, ինչպես նաև 200 մասնակից Հայաստանից։

Համաժողովի նպատակն է քննարկել համահայկական երիտասարդական օրակարգի առանցքային հարցերը, հրահրել սփյուռքի և Հայաստանի երիտասարդական շրջանակների ցանցային համագործակցությունը և մեծացնել երիտասարդների դերը Հայաստան-սփյուռք համագործակցության մեջ՝ օգտագործելով նրանց ներուժը հայրենիքում։

Համաժողովի օրակարգը ներառում է բազմոլորտ քննարկումներ տարբեր ձևաչափով, ինչպես պանելային նիստեր, ինտերակտիվ աշխատաժողովներ, բանախոսություններ, կլոր-սեղան քննարկումներ և համայնքային կապերի ամրապնդմանն ուղղված հանդիպումներ։ Սպասվում են նաև մարզական մարաթոն, էքսպո ցուցահանդես, հայկական ազգային տարազների ցուցադրություն սփյուռքի հայ երիտասարդների մասնակցությամբ և այլ մշակութային միջոցառումներ։

Լրագրողների հավատարմագրման համար անհրաժեշտ է դիմել ս.թ. օգոստոսի 2-ից ուշագնաց, ուղարկելով անուն, ազգանուն, էլ. հասցե և հեռախոսահամար։ Տեղեկացնում ենք, որ չհավատարմագրված լրատվամիջոցները միջոցառմանը մասնակցելու հնարավորություն չեն ունենա։