Անգոլայում տեղի ունեցած վառելիքի գների բարձրացման դեմ բողոքի ցույցերի ժամանակ, որի ընթացքում երկու օր շարունակ անկարգություններ և թալան են տեղի ունեցել, սպանվել է 22 մարդ։ Այս մասին չորեքշաբթի օրը հայտարարել է երկրի կառավարությունը։ Մայրաքաղաք Լուանդայում շարունակվում է լարված անդորրը։ Այս մասին հայտնում է AFP-ն։

Բռնությունները սկսվել են երկուշաբթի օրը՝ տաքսու վարորդների գործադուլով, որը կազմակերպվել էր նավթային հարուստ Անգոլայում, որտեղ միլիոնավոր մարդիկ շարունակում են ապրել աղքատության մեջ։ Սա բողոքի էր հուլիսի 1-ից վառելիքի գների բարձրացման դեմ։

Վերջին տարիների ընթացքում սա Պորտուգալախոս հարավաֆրիկյան երկրում առաջին մեծ անկարգություններն էին։

Երկուշաբթի և երեքշաբթի օրերին Լուանդայում և մի քանի այլ քաղաքներում պարբերաբար կրակոցներ են հնչել, և մարդիկ խանութներ են թալանել ու բախվել ոստիկանների հետ։

Հարցը մեկնաբանելով՝ Ներքին գործերի նախարար Մանուել Հոմեմը նշել է. «Մենք ցավում ենք 22 մարդու մահվան համար, նրանց թվում՝ մի ոստիկան»։ Նախարարն իր հայտարարությունն արել է Նախարարների խորհրդի նիստի ժամանակ, որը անցկացվել է նախագահ Ժոաո Լուրենսոյի գլխավորությամբ։

Նա հավելել է, որ անկարգությունների ընթացքում վիրավորվել է մոտ 200 մարդ, իսկ 1200 մարդ ձերբակալվել է։ Ներքին գործերի նախարարը տեղեկացրել է, որ մարդիկ թալանել են սուպերմարկետներ և պահեստներ, գողանալով սնունդ և այլ ապրանքներ, ինչպես նաև վնաս հասցրել 66 խանութների։

Լուանդայի փողոցներում չորեքշաբթի անհանգիստ իրավիճակ էր։ Չնայած բենզալցակայանների և որոշ խանութների դիմաց հերթեր կային, սակայն մեծ թվով անվտանգության ուժեր էին կենտրոնացված: Ֆրանսպրես գործակալության լրագրողները հայտնում են, որ շատ խանութներ դեռ փակ են, սակայն երկօրյա խափարումներից հետո հասարակական տրանսպորտը սկսել է վերադառնալ նախնական ռեժիմին։