ՀՀ առողջապահության նախարարությունը, Անահիտ Ավանեսյանի ղեկավարությամբ, իրականացնում է փոփոխություններ, համաձայն որոնց Արսեն Թորոսյանը հնարավոր է ներգրավվի կոնցեսիոն կառավարման մեջ։ Այս մասին հայտնել է «Առողջության իրավունք» ՀԿ-ի նախագահ Անուշ Պողոսյանը իր Facebook էջում։

Նա իր գրառման մեջ նշել է. «e-draft հարթակում ծավալվել է նախագիծ, որի համաձայն Հայաստանում ՄԻԱՎ/ՁԻԱՀ-ի, տուբերկուլոզի և մալարիայի դեմ պայքարի միջոցառումները համակարգող հանձնաժողովի կազմում կարող է ընդգրկվել Ազգային ժողովի առողջապահության հարցերի մշտական հանձնաժողովի նախագահ Արսեն Թորոսյանը։ Նշված հանձնաժողովում օրենսդիր մարմնի ներկայացուցիչներ նախկինում չեն եղել։

Նախագծի համաձայն, որովհետեւ ՀՀ ազգային ժողովի առողջապահության հարցերի հանձնաժողովի դերը հասարակական առողջապահության ոլորտում մեծացել է, նպատակահարմար է համարվել այդ հանձնաժողովի նախագահի ներգրավումը հանձնաժողովի աշխատանքներում։

ՄԻԱՎ/ՁԻԱՀ-ի կանխարգելման հանձնաժողովը խորհրդակցական մարմին է, որը նպատակ ունի պատրաստել և քննարկել կանխարգելման ծրագրերի առաջարկները, ինչպես նաև առաջարկել տուբերկուլոզի և մալարիայի դեմ պայքարի Գլոբալ հիմնադրամի հետ համագործակցությունը և դրամաշնորհային ծրագրերի իրականացումը։

Հ․Գ․ Այնպես որ, սպասենք Թոքաբանության Ազգային Կենտրոնում թորոսյանական նոր նշանակման…

Հ․Հ․Գ․ Իսկ Նարեկ Զեյնալյան, գիտե՞ք, որ նույնիսկ այս պայմաններում Սուրբ Գրիգոր Լուսավորիչ ԲԿ-ն նույնպես ուզում են վերցնել․․․

ԱՐԴԱՐ ՉԷ»։