Մոսկվայի Պրեսնենսկի շրջանային դատարանը որոշել է վեց ամսով երկարաձգել ձեռնարկատեր և բլոգեր Ալեգ Շչեպիխինի կալանքը: Այս մասին հայտնում է «Коммерсантъ»-ը։

Ալեգ Շչեպիխինի դեմ մեղադրանք է առաջադրվել հավատացյալների զգացմունքները վիրավորելու, ինչպես նաև սեռի, ռասայի կամ ազգային պատկանելության հատկանիշներով ատելություն հրահրելու համար։

Դատարանի նիստում մեղադրողը հայտարարել է, որ չկա խափանման միջոցը փոփոխելու անհրաժեշտություն: Շչեպիխինը խնդրել է կալանքը փոխարինել տնային կալանքով կամ ազատ արձակել գրավի դիմաց։

Դատավարության ընթացքում Շչեպիխինն ասել է, որ կրոնի ազատության իրավունքի խախտման մեղադրանքը (ՌԴ Քրեական օրենսգրքի 148-րդ հոդված) ընդունել է քննիչի ճնշման տակ։

Հունիսի 3-ին առևանգվել է Խիմկիի գործարար Արեգ Շչեպիխինը Մոսկվայի Յարոսլավսկի երկաթուղային կայարանի մոտ, որտեղ նրան մի խումբ անձինք բռնել են և սև Mercedes-ի բեռնախցիկում տեղավորել։ Մոսկվայի ոստիկանությունը ձերբակալել է և՛ Շչեպիխինին, և՛ առևանգման մասնակիցներին։ Հունիսի 4-ին հաղորդվել է, որ նրան ազատ են արձակել «Կրեմլի հրամանով», սակայն հունիսի 6-ին դատարանը կալանավորել է Շչեպիխինին։

Չեչնիայի ազգային քաղաքականության, արտաքին հարաբերությունների, մամուլի և տեղեկատվության նախարար Ահմեդ Դուդաևը հայտարարել է, որ Շչեպիխինը չթվա թե առևանգվել, այլ ձերբակալվել է իրավապահ մարմինների կողմից, քանի որ նա տեսանյութում վիրավորական արտահայտություններ է արել չեչեն ժողովրդի, Ալլահի և Ղուրանի հանդեպ։

«ВЧК-ОГПУ» թելեգրամյան ալիքը հրապարակել է ձայնային հաղորդագրություններ, որոնց համաձայն՝ առևանգմանը ներգրավված են եղել Պետդումայի պատգամավոր Ադամ Դելիմխանովի շրջապատի մարդիկ։