Մարդու իրավունքների պաշտպանի հանձնարարությամբ Մարդու իրավունքների պաշտպանի ներկայացուցիչները արագ արձագանքման այց են կազմակերպել ՀՀ ՊՆ Երևանի կայազորային հոսպիտալ: Այս մասին հաղորդում է ՄԻՊ աշխատակազմը:

«Այս հերթական այցի նպատակը կապված էր զինծառայողի ծնողների ահազանգերի հետ, որոնք հայտնել էին որդու առողջական վիճակի և բուժման ընթացքի վերաբերյալ իրենց մտահոգությունները: Զինծառայողն էր վերջերս անցել ծառայության զինված ուժերում, և ծնողները հայտնեցին նրա առողջական խնդիրների մասին:

Պաշտպանի ներկայացուցիչները հանդիպումներ ունեցան հոսպիտալի բուժանձնակազմի հետ՝ քննարկելով զինծառայողի հետազոտության, բուժման և փորձաքննության հարցերը: Այցի ընթացքում անցկացվեց նաև առանձնազրույց զինծառայողի հետ, որի ընթացքում նա ներկայացրեց իր վերաբերող խնդիրները:

Նշում ենք, որ այս հարցով Պաշտպանի աշխատակազմում ակտիվ վարույթ կա, որի շրջանակում Պաշտպանի գրության հիման վրա և պաշտպանության նախարարության հետ համագործակցությամբ զինծառայողը տեղափոխվել է հոսպիտալ և գտնվում է բժշկական հսկողության տակ։

Զինծառայողների համապատասխան բժշկական օգնության ապահովումը մշտապես մնում է Մարդու իրավունքների պաշտպանի ուշադրության կենտրոնում։

Հայտնում ենք.

Զինծառայողների և նրանց ընտանիքների իրավունքների վերաբերյալ հարցերով կարելի է դիմել Պաշտպանին՝ զանգահարելով 116 թեժ գծին, իսկ ոչ աշխատանքային օրերին ու ժամերին՝ 096-116-100 հեռախոսահամարին։

Պաշտպանին կարելի է դիմել նաև՝ այցելելով Երևան, Պուշկին 56Ա հասցեով Պաշտպանի աշխատակազմը կամ էլեկտրոնային եղանակով՝ [email protected]»- ասված է հաղորդագրության մեջ։