Ռուսաստանի քաղաքացիների մեծամասնությունը դրական է գնահատում նախագահ Վլադիմիր Պուտինի աշխատանքը։ Հանրային կարծիքի հիմնադրամի (ФОМ) վերջին հարցման արդյունքների համաձայն՝ 81% հարցվածներ այն կարծիքին են, որ նա լավ է իրականացում իր պարտականությունները, իսկ ընդամենը 6% է հակառակ տեսակետ հայտնել, հայտնում է РИА Новости-ն։

Հարցվածների 80%-ն ասել է, որ վստահում է Պուտինին, մերժողական մոտեցում է արտահայտել ընդամենը 9%-ը։

Քաղաքացիների 55%-ը կառավարության գործունեությանը դրական է գնահատում՝ ի տարբերություն այն 22%-ի, որոնք անկողմնակալ են։ Վարչապետ Միխայիլ Միշուստինին աջակցում է 57%-ը, մինչդեռ նրա աշխատանքի վերաբերյալ դժգոհություն հայտնել է 10%-ը։

Եթե Պետդումայի ընտրությունները անցկացվեին հաջորդ կիրակի, հարցվածների 43%-ը կքվեարկեր «Եդինայա Ռոսիա» կուսակցության օգտին, 9%-ը՝ Լիբերալ-դեմոկրատական կուսակցության, 7%-ը՝ Կոմունիստական կուսակցության, 4%-ը՝ «Արդար Ռուսաստանի», իսկ 3%-ը՝ «Նոր մարդկանց» կուսակցության օգտին։

«ФОМнибус» հարցումը իրականացվել է օգոստոսի 22-24-ը՝ տներում կատարված հարցումների միջոցով։ Այս ուսումնասիրությանը մասնակցել են 18 տարեկանից բարձր 1500 ռուսաստանցիներ՝ ներկայացված 51 շրջաններում և 97 բնակավայրերում։ Վիճակագրական սխալի սահմանը չի ​​գերազանցում 3,6%-ը։