Իրանցի խորհրդարանը հայտարարություն է արել՝ ասելով, որ «ճանաչված սահմանների փոփոխության, պարտադրված միջանցքների ստեղծման կամ Զանգեզուրի միջանցքի նման ծրագրերի իրականացումը անհամատեղելի է տարածաշրջանում երկրների շահերի հետ և կդառնա համատեղ անվտանգության ուղղակի սպառնալիք»։

Հայտարարությունում նշվում է, որ Հարավային Կովկասի ռազմավարական դիրքը կարևոր է Իրանի անվտանգության համար։ Տարածաշրջանը ոչ միայն աշխարհագրական սահման է, այլև Իրանի անվտանգության և երկրի պատմական-մշակութային գոտու կարևոր մաս։

Իրանի Իսլամական Հանրապետությունը շարունակում է առաջնորդվել իր անսասան սկզբունքներով, կենտրոնանալով տարածաշրջանային խնդիրների լուծմանը՝ ուղիղ երկխոսության միջոցով առանց արտաքին ազդեցությունների։

Ճանաչված սահմանները փոփոխելը, նոր միջանցքներ ստեղծելը կամ այդ ուղղությամբ ցանկացած քայլ հակասում է պետությունների շահերին և սպառնում է կոլեկտիվ անվտանգությանը։

Հիշատակելով միջազգային սկզբունքները, Իրանի խորհրդարանն անդրադարձել է սահմանների փոփոխման համատեղ կառավարությունների համաձայնության անհրաժեշտությանը՝ առանց խախտելու ՄԱԿ-ի կանոնադրությունն ու տարածքային ամբողջականության սկզբունքը։

Իրանը վերապահում է իր իրավունքները՝ օգտագործել բոլոր հնարավոր քայլերը՝ պաշտպանելու իր ազգային շահերը և անվտանգությունը։ Հարավային Կովկասը կարևոր է Իրանի համար նաև որպես էներգետիկ, տարանցիկ և տնտեսական ճանապարհ։

Իրանը կարևորում է տարածաշրջանի երկրների շահերի հարգանքն ու ազգային ինքնիշխանությունը։ Կոչ է արվում հարևան երկրներին պահպանել բարիդրացիությունը և խուսափել լարվածություն ստեղծող գործողություններից՝ զարգացնելով համագործակցությունը։

Իրանը պատրաստ է աջակցել Հարավային Կովկասում խաղաղության հաստատմանը։ ազգային պատվիրակները պատրաստ են արձագանքել ցանկացած սպառնալիքի։