«Ժողովուրդ» օրաթերթն իր հոդվածում նշում է, որ շաբաթ օրը երևանցիները արթնացան սուր ծխի հոտից․ Նուբարաշենի աղբավայրը կրկին այրվում էր:

Նուբարաշենին մոտ գտնվող վարչական շրջանների բնակիչները ստիպված էին պատուհաններն ամուր փակել և անջատել օդափոխման համակարգերը՝ չարորակ ու թունավոր ծխի ազդեցությունից խուսափելու համար։

Հիշենք, որ 2018 թվականի հեղափոխությունից հետո, դեկտեմբերի 13-ին Կառավարության նիստում տարածքային կառավարման և զարգացման նախարար Սուրեն Պապիկյանը վարչապետի հարցին, թե արդյոք հուսալի կլինի աղբի վերամշակումը Հայաստանում, պատասխանել էր, որ այս գործընթացը պոտենցիալ ներդրողի համար շահավետ չէ, քանի որ աղբից շահույթ ստանալն անհնար է:

Շահույթի հետևից վազող իշխանությունը այսօր միայն աղբ չէ, որ կուտակում է, այլ նաև՝ մեծ քանակությամբ թունավոր գազեր օդում, հաճախ պատճառաբանելով, որ «աղբ վերամշակելը շահութաբեր չէ»:

ՀՀ շրջակա միջավայրի նախարարության և միջազգային զեկույցների համաձայն՝ Երևանի օդի աղտոտվածությունը տարիներ շարունակ հաճախ գերազանցում է սահմանված թույլատրելի նորմերը։ Սակայն ամեն անգամ, երբ աղբավայրը սկսում է այրվել և օդում ամպ ու մառախուղ է հավաքվում, պետական կառույցները փորձում են վստահեցնել, որ հրատապ խնդիրներ չկան՝ մատուցելով անհավատալի թվեր։ Օրինակ, Երևանում օգոստոսի առաջին տասնօրյակում փոշու խտությունը նվազագույն մակարդակի ցուցանիշից 1.01-2.1 անգամ բարձր էր։

Սա պետության տվյալները, բայց գիտնականներն ու բնապահպաններն այլ կարծիք ունեն։
Բնապահպան Սիլվա Ադամյանը կարծում է, որ Երևանի էկոլոգիական դժվարությունների պատճառով բնակչության առողջությունը և կյանքի որակը կարող են իջնել։

Խնդիրների պատճառներ են՝ ավտոտրանսպորտը (հատկապես հին մեքենաները), շինարարական փոշին, փայտով կամ մազութով ջեռուցման համակարգերը, քամու պակասը և լեռնաշղթաներով շրջափակված օդային շրջանառության դժվարությունները։ Դրանց ավելացավ նաև վերջերս Նուբարաշենի աղբավայրի հրդեհի ծուխը։ Բնակիչները դժգոհում են, որ ծուխն արդեն լցվում է մարդկանց թոքերը, իսկ քաղաքի իշխանություններն ու շրջակա միջավայրի նորանշանակ նախարարը որեւէ միջոց չեն ձեռնարկում։

Նորընտիր նախարար Համբարձում Մաթևոսյանը պատրաստվում է հյուրընկալել COP17 համաժողովը, որի հիմքը բնապահպանությունն է։ Սակայն բնապահպանության հարցերով զբաղվելը դժվար է, երբ անգամ համեստ աղբապահեժը անվտանգ չեն կարգավորում:

Անգործության սահմանում են բոլոր պատասխանատու կառույցները։ Միայն փրկարարներն են, որ ջանք չեն խնայում, վտանգելով իրենց առողջությունը, հրդեհի դեմ պայքարելու համար։

Մանրամասները՝ «Ժողովուրդ» օրաթերթի այսօրվա համարում: