Ներքին գործերի նախարարությունը տեղեկացնում է, որ իրենց սպասարկման գրասենյակները շարունակում են շրջիկ սպասարկում իրականացնել՝ մատուցելով միգրացիայի և քաղաքացիության ծառայության, ինչպես նաև հաշվառման-քննաման բաժինների ծառայությունները:

Ըստ ՆԳ նախարարի հրամանի՝ օգոստոսի 14-ին ծառայությունների մատուցում տեղի կունենա հետևյալ վայրերում և ժամերին.

ժամը 10։30-16:00

Կոտայքի մարզի Չարենցավան համայնքում՝ համայնքապետարանի մոտ:

ժամը 10:30-16:00

Կոտայքի մարզի Բյուրեղավան համայնքում՝ համայնքապետարանի հարևանությամբ:

Շրջիկ սպասարկման միջոցով քաղաքացիները կարող են փոխանակել անձնագրեր, ստանալ ժամանակավոր պաշտպանության վկայականներ և տեղեկանքներ, իսկ Լեռնային Ղարաբաղից տեղահանված անձինք հնարավորություն ունեն դիմել ՀՀ քաղաքացիության համար։

Վարորդական իրավունքների և սեփականության վկայականների, ինչպես նաև հաշվառման վկայագրերի փոխանակման կամ կորստի դեպքերում քաղաքացիները կարող են դիմել շրջիկ գրասենյակին՝ նոր փաստաթղթեր ձեռք բերելու համար։ Նրանց հասանելի կլինեն նաև հաշվառման-քննական բաժինների ծառայությունները։

Օգոստոսի 14-ին շրջիկ սպասարկման գրասենյակները կլինեն նաև Շիրակի մարզի Անի համայնքում և Արագածոտնի մարզի Արագած բնակավայրում՝ օգոստոսի 7-ին ընդունված դիմումների համար փաստաթղթերը տրամադրելու նպատակով։