**Սենատոր Ռոն Ջոնսոնը պահանջել է ՀԴԲ-ից նյութեր՝ Թրամփի դեմ մահափորձի հետ կապված**

ԱՄՆ Սենատոր Ռոն Ջոնսոնը պաշտոնական պահանջ է ներկայացրել ՀԴԲ-ին՝ կապված անցած տարվա հուլիսին Փենսիլվանիա նահանգի Բաթլեր քաղաքում նախագահ Դոնալդ Թրամփի դեմ կատարված մահափորձի հետ։

Ջոնսոնը, որը Սենատի հետաքննությունների ենթահանձնաժողովի ղեկավարն է, պահանջում է տեսախցիկների ձայնագրություններ, որոնք կարող են ցույց տալ հանդիսատեսի շարքերից կրակող Թոմաս Մեթյու Կրուկսի գործողությունները։ Նա նաև խնդրել է տրամադրել բալիստիկ փորձաքննության տվյալներ, փամփուշտի հետագծի վերլուծություն և անօդաչու թռչող սարքերի վերաբերյալ հաշվետվություններ, եթե դրանք առկա են։

«Մահափորձից մեկ տարի անց ամերիկացիները դեռ չունեն պատասխաններ իրենց բոլոր հարցերին՝ կապված Բաթլերում անվտանգության խախտման և Կրուկսի մոտիվների հետ»,– ընդգծված է Ջոնսոնի հայտարարության մեջ։

Սենատորը նաև ցանկանում է ստանալ կասկածյալի սոցիալական ցանցերի գրառումները, էլփոստի պատմությունը, ինտերնետ-որոնումների տվյալները և զանգերի ձայնագրությունները։

«ՀԴԲ-ն պետք է ավելի թափանց լիներ հանրության և իմ գրասենյակի առաջ, տրամադրելով մեզ պահանջված նյութերը, որոնք ամիսներ շարունակ մերժվել են»,– ասել է Ջոնսոնը։ «Ես պաշտոնական ծանուցում եմ ուղարկել՝ հարցի շուրջ լիակատար պարզաբանում ստանալու համար և ակնկալում եմ ՀԴԲ տնօրեն Քեշ Փաթելի աջակցությունը»։