Թուրքիայի Հանրապետական ժողովրդական կուսակցության (ՀՋԿ) ղեկավար Օզգյուր Օզելը կրկին պահանջել է 2024 թվականի նոյեմբերին արտահերթ նախագահական ընտրություններ անցկացնել։ Դա կլինի «շահավետ առաջարկ» գործող նախագահ Ռեջեփ Թայիփ Էրդողանի համար, քանի որ վաղաժամկետ քվեարկության դեպքում միայն նա կկարողանա նորից առաջադրվել՝ համաձայն Թուրքիայի սահմանադրության։

Հուլիսի 9-ին խորհրդարանի ելույթում Էրդողանը մերժել է ընդդիմության առաջարկը՝ հայտարարելով, որ նոյեմբերի 2-ին ընդհանուր ընտրություններ անցկացնելու պլաններ չկան։ Նա հաստատել է, որ ընտրությունները կկայանան 2028 թվականին՝ համաձայն սահմանված ժամանակացույցի։

Օզելը լրագրողներին տված մեկնաբանությունում նշել է. «Էրդողանը խուսափում է ժողովրդի կարծիքից։ Նոյեմբերի 2-ին կլրանա նրա լիազորությունների 2,5 տարին։ Սահմանադրության համաձայն՝ այդ ժամկետից հետո նա չի կարող առաջադրվել։ Ես նրան առաջարկում եմ կիսել իշխանությունը. այս տարվա ընտրություններում հաղթողը կկառավարի հաջորդ 2,5 տարին»։

ՀՋԿ-ի ղեկավարը նաև հայտարարել է, որ Թուրքիայի ընդդիմադիր ուժերն արդեն ունեն նախագահի թեկնածու՝ Ստամբուլի ձերբակալված քաղաքապետ Էքրեմ Իմամօղլուն։ Նախկինում Օզելը նշել էր, որ Իմամօղլուին աջակցելու համար ավելի քան 20 միլիոն ստորագրություն է հավաքվել։