ԱՄՆ Արդարադատության նախարարությունը հայտարարել է Կալիֆոռնիայի Սանիվեյլ քաղաքում բնակվող 47-ամյա ադրբեջանցի Սևինդիկ Հուսեյնովի դեմ մեղադրանքի մասին։ Նրան մեղադրում են առողջապահության ոլորտում ավելի քան 137 միլիոն դոլարի ֆինանսական խարդախություն կազմակերպելու մեջ։

Նախարարության հաղորդմամբ՝ Հուսեյնովը ղեկավարել է «Vonyes, Inc.» ընկերությունը, որը, ըստ մեղադրանքի, զբաղվում էր երկարաժամկետ օգտագործման բժշկական սարքավորումների մատակարարումով։ Դրանց թվում էին մեջքի կորսետներ, ծնկակալներ և արմնկակալներ։

2025 թվականի հունվարից հունիս ընկած ժամանակահատվածում «Vonyes»-ը ներկայացրել է ավելի քան 7200 փոխհատուցման հայց՝ ուղղված առնվազն ութ Medicare Advantage (MAO) կազմակերպությունների։

Հետաքննությունը բացահայտել է, որ հայցերի զգալի մասը վերաբերում էր այնպիսի բուժպարագաների, որոնք, փաստացի, պացիենտներին անհրաժեշտ չէին կամ ընդհանրապես չէին հասել նրանց։ Ավելին, բժշկական աշխատակիցներն անգիտակ են եղել այն դեղատոմսերի մասին, որոնք, ըստ հաշվարկների, նրանք կարելի է տրամադրած լինեին։

Ուսումնասիրությունը հաստատել է նաև, որ «Vonyes»-ը իրականում ոչ մի բժշկական սարքավորում չի ձեռք բերել։ Բանկային գրառումները պարզել են, որ ընկերությունը սարքավորումների գնման համար գործարքներ չի կատարել։

Ըստ դատախազության, խարդախության սխեմայի շրջանակներում «Vonyes»-ին կից հաշիվներին փոխանցվել է առնվազն 761,037.63 դոլար: Այդ միջոցները վերահսկվում էին բացառապես Սևինդիկ Հուսեյնովի կողմից։

Հուսեյնովը ձերբակալվել է 2025 թվականի հունիսի 26-ին՝ ԱՄՆ-ից հեռանալու փորձի ժամանակ։

Արդարադատության նախարարության տվյալներով՝ գործը կապված է առողջապահության ոլորտում խարդախության դեմ պայքարի ազգային քաղաքականության հետ։ 2025 թվականի հունիսին նախարարությունը հրապարակել էր առողջապահական խարդախությունների մասին օրինակելի դեպքերի արդյունքներ, որոնց շրջանակներում 324 մեղադրյալ են դարձել։ Կասկածյալներին վերագրվող խարդախությունների ընդհանուր գումարը գերազանցել է 14.6 միլիարդ դոլարը։