**Չինաստանը կարող է Պուտինին խնդրել շեղել ՆԱՏՕ-ի ուշադրությունը՝ Թայվանում ուժի կիրառման դեպքում**

ՆԱՏՕ-ի գլխավոր քարտուղար Մարկ Ռյուտեն նշել է, որ եթե Չինաստանը որոշի զինված ուժ կիրառել Թայվանի նկատմամբ, ապա ՉԺՀ առաջնորդ Սի Ծինփինը կարող է Ռուսաստանի նախագահ Վլադիմիր Պուտինին խնդրել ՆԱՏՕ-ին ուշադրությունը շեղել՝ ՆԱՏՕ-ի տարածքի վրա հարձակման միջոցով։ Այդ մասին Ռյուտեն խոսել է The New York Times-ին տված հարցազրույցում։

Ռյուտեի խոսքով, նման սցենարի հավանականությունն աճում է, և Պեկինի ու Մոսկվայի գործողությունները զսպելու համար անհրաժեշտ է երկու քայլ։ Առաջինը ՆԱՏՕ-ի հետագա ուժեղացումն է՝ Ռուսաստանին հարձակումից կանգնեցնելու համար։ Երկրորդը Հնդկական օվկիանոսի տարածաշրջանի հետ համատեղ աշխատանքն է պաշտպանական արդյունաբերության և տեխնոլոգիական նորարարությունների ոլորտում։

ՆԱՏՕ-ի գլխավոր քարտուղարը նշել է, որ դաշինքը կանգնած է «հսկայական աշխարհաքաղաքական մարտահրավերի» առջև՝ առաջին հերթին Ռուսաստանի պատճառով։ «Նրանք այս պահին երեք ամսում երեք անգամ ավելի շատ զինամթերք են արտադրում, քան ՆԱՏՕ-ի բոլոր անդամները՝ մեկ տարում», — ասել է Ռյուտեն։

ՌԴ նախկին նախագահ Դմիտրի Մեդվեդևը՝ արձագանքելով այդ պնդումներին, սոցիալական ցանցում գրել է, որ ՆԱՏՕ-ի գլխավոր քարտուղարը «չարաշահել է հոլանդացիների սիրելի կախարդական սնկերը»։