Միլիարդատեր Իլոն Մասկը սոցիալական ցանցերում հայտարարել է նոր քաղաքական կուսակցության ստեղծման մասին՝ այն անվանելով «Ամերիկյան կուսակցություն»:

«Եթե ուզում եք նոր քաղաքական կուսակցություն, դուք կստանաք այն։ Մեր երկիրը քայքայվում է շռայլությամբ ու կաշառակերությամբ, մենք ապրում ենք միակուսակցական համակարգում, ոչ թե ժողովրդավարության պայմաններում։ Այսօր ձևավորվեց Ամերիկյան կուսակցությունը՝ ձեր ազատությունը վերադարձնելու համար»,– գրել է Մասկը։

Նախկինում գործարարը ֆինանսական աջակցություն է ցուցաբերել Դոնալդ Թրամփին՝ նախագահական քարոզարշավի ընթացքում։ Սակայն վերջիններիս միջև հարաբերությունները վատացել են, երբ Մասկը լքել է Թրամփի վարչակազմում իր պաշտոնը և քննադատել նրա բյուջեն։

Վերջին շրջանում Մասկը սոցցանցերում սուր վիճաբանության մեջ է մտել Թրամփի հետ՝ մեղադրելով վերջինիս պետական պարտքի ավելացման և անտնտեսվարության մեջ։ «Մեր երկիրը քայքայվում է անտնտեսվարությամբ ու կոռուպցիայով, մենք ապրում ենք միակուսակցական համակարգում»,– նշել է նա։

Չնայած ԱՄՆ-ում երկար տարիներ իշխանությունը հերթափոխվում է դեմոկրատների ու հանրապետականների միջև, երկրում միշտ եղել են այլ կուսակցություններ։ Մասկը նախկինում աջակցել է դեմոկրատներին, սակայն վերջին տարիներին տեղաշարժվել է դեպի աջ քաղաքական սպեկտրում։

Մասկը դեռևս չի մանրամասնել իր քաղաքական ծրագրերը։ Նա չի կարող առաջադրվել ԱՄՆ նախագահի պաշտոնում, քանի որ ծնվել է Ամերիկայի Միացյալ Նահանգներից դուրս։