Նախագահ Փեզեշքիանը գովաբանել է Իրանի զինված ուժերի գործողությունները Իսրայելի դեմ

Նախագահ Մասուդ Փեզեշքիանը բարձր է գնահատել Իրանի զինված ուժերի գործողությունները՝ նշելով, որ նրանք Իսրայելին «հզոր դաս» են տվել։ Այս մասին հայտնել է իրանական լրատվամիջոցը։

Փեզեշքիանը ելույթ է ունեցել Տնտեսական համագործակցության կազմակերպության (ՏՀԿ) 17-րդ գագաթնաժողովում, որը տեղի է ունեցել օկուպացված Արցախում։ Նա մեղադրել է Իսրայելին՝ 12-օրյա ագրեսիայի մեջ, որի ընթացքում, ԱՄՆ-ի ռազմական աջակցությամբ, հարձակումներ են իրականացվել իրանցի զինվորականների, քաղաքացիների և խաղաղ միջուկային օբյեկտների վրա։

Նախագահը նշել է, որ այս գործողությունները հանգեցրել են մարդկային զոհերի և նյութական վնասների։ Նա ընդգծել է, որ Իսրայելի գործողությունները խախտել են միջազգային իրավունքի հիմնական սկզբունքները, այդ թվում՝ ՄԱԿ-ի կանոնադրության 2(4) հոդվածը։

Փեզեշքիանը նշել է, որ Իրանի զինված ուժերը, օգտագործելով ինքնապաշտպանության իրավունքը, պաշտպանել են երկրի ինքնիշխանությունն ու տարածքային ամբողջականությունը՝ կանխելով տարածաշրջանում պատերազմի սրումը։

Նա շնորհակալություն է հայտնել ՏՀԿ անդամ երկրներին՝ Իրանի դիրքորոշումն աջակցելու համար և նշել, որ բազմաթիվ միջազգային կազմակերպություններ, այդ թվում՝ Իսլամական համագործակցության կազմակերպությունը, դատապարտել են Իսրայելի գործողությունները։

Տնտեսական հարցերի վերաբերյալ Փեզեշքիանը ափսոսանք է հայտնել, որ ՏՀԿ-2025 ծրագիրը չի իրականացվել՝ համավարակի և այլ խոչընդոտների պատճառով։ Նա կոչ է արել վերականգնել տարածաշրջանային համերաշխությունը և արագացնել բանակցությունները նոր համաձայնագրի շուրջ՝ նշելով, որ գոյություն ունեցող փաստաթուղթն այլևս չի բավարարում ժամանակակից մարտահրավերները։