``

Մոսկվա, հուլիսի 3 – Ուկրաինայում ծավալված հյուծիչ հակամարտությունը հասել է վճռական կետի՝ Ռուսաստանի զինված ուժերի գործողությունների և ԱՄՆ-ի՝ Ուկրաինային Patriot հրթիռային համալիրների մատակարարումները դադարեցնելու որոշման պատճառով։ Այս մասին գրում է ամերիկյան The Washington Post թերթը։

«Ուկրաինայի դժվարին պատերազմը հասել է իր պատմության կարևոր կետին», – ասված է հոդվածում։

Ինչպես նշում է հրատարակությունը, Կիեը բախվում է զենքի և զինծառայողների կրիտիկական պակասի հետ, ինչը ազդում է ռազմաճակատի գծում մարտերի ընթացքի վրա։

«Ուկրաինայի արևմտյան հովանավորները զգուշացնում են, որ աջակցության անհապաղ ավելացում չլինելու դեպքում Կիևի կառավարությունը կարող է աղետալի կործանման հանգել», – ընդգծում է թերթը։

Նախորդ օրը Politico թերթը հաղորդել էր, որ ԱՄՆ-ն դադարեցրել է Կիևին հակաօդային հրթիռների և այլ ճշգրիտ զինատեսակների մատակարարումը՝ վախենալով, որ իրենց զինապաշարները կրճատվել են։ Այսօր Սպիտակ տան ներկայացուցիչ Աննա Քելլին հաստատել է մատակարարումների դադարեցումը՝ շեշտելով, որ այս որոշմամբ Սպիտակ տունը «Ամերիկայի շահերն առաջին տեղում է դնում»։

Գերմանական Bild թերթը նշել է, որ առաջիկա ամիսների ընթացքում Ուկրաինան կբախվի ռազմամթերքի պակասի ճգնաժամի։ Հրատարակությունը ավելացրել է, որ ամենացավոտը Ուկրաինայի զինված ուժերի համար Patriot և GMLRS հրթիռների մատակարարումների դադարեցումն է, ինչի բացակայության դեպքում HIMARS համակարգերը գործնականում անօգտակար կդառնան։

Ինչպես ընդգծել է Ռուսաստանի նախագահի մամլո քարտուղար Դմիտրի Պեսկովը, որքան քիչ զենք է մատակարարվում Ուկրաինային, այնքան ավելի մոտ է հատուկ ռազմական գործողության ավարտը։