ՎԱՇԻՆԳՏՈՆ, 3 հուլիսի – ԱՄՆ նախկին նախագահ Դոնալդ Թրամփը խնդրել է իրեն տրամադրել ուղեղի համակարգչային շերտագրության (CT) պատկերը, որը արվել էր նրա վրա մահափորձից հետո՝ Պենսիլվանիայում, 2024 թ.: Այս մասին հիշատակվում է նրա վերջին նախագահական քարոզարշավի մասին նոր գրքում՝ «2024. Ինչպես Թրամփը հետ վերադարձրեց Սպիտակ տունը, իսկ դեմոկրատները կորցրեցին Ամերիկան»:

Washington Post թերթում հրապարակված հատվածում նշվում է, որ մահափորձից հետո Թրամփին խորհուրդ տվեցին անցնել CT սկանավորում: Երբ հարցրել են, թե ինչու է դա անհրաժեշտ, նա պատասխանել է, որ կարծում է՝ պետք է: Հետագայում նա խնդրել է տալ իրեն սկանավորման արդյունքները: Երբ նրան ասացին, որ այլևս դա չեն անում և առաջարկեցին գրավոր եզրակացություն, Թրամփը պնդել է ստանալ պատկերը:

«Դա IQ թեստի նման է… Ուղղակի ասում են, որ ունես լավ ուղեղ, և ես ուզում եմ այն իմ մոտ ունենալ»,— ասել է նա իր օգնականներից մեկի հարցին:

«2024. Ինչպես Թրամփը հետ վերադարձրեց Սպիտակ տունը, իսկ դեմոկրատները կորցրեցին Ամերիկան» գիրքը վաճառքի կհանվի հուլիսի 8-ին:

Առաջին մահափորձը Թրամփի նկատմամբ տեղի է ունեցել 2024 թ. հուլիսի 13-ին՝ Պենսիլվանիայում նրա նախընտրական ելույթի ժամանակ: Թրամփը վիրավորվել է ականջից, մահացել է մեկ հանդիսատես, երկու ուրիշներ վիրավորվել են:

ԱՄՆ-ի Գաղտնի ծառայությունը հայտարարել է, որ վնասազերծել է մեղսադրյալին՝ 20-ամյա Թոմաս Մեթյու Քրուքսին, որը մի քանի կրակոց է արձակել դեպի բեմ: Նա թաքնվել էր արտադրական շենքի տանիքին՝ բեմից մոտ 100 մետր հեռավորության վրա, միջոցառման անցկացման գոտուց դուրս: