ՄՈՍԿՎԱ, 2 հուլիս — Ֆրանսիական Le Figaro թերթի ընթերցողները քննադատեցին երկրի նախագահ Էմանուել Մակրոնին՝ Ռուսաստանի նախագահ Վլադիմիր Պուտինի հետ հեռախոսազրույցից հետո: Համապատասխան մեկնաբանություններն առկա են լրատվական կայքում:

«Լավ կլիներ, որ այս սիրողական դիպլոմատը դադարի փորձել խաղալ նույն դաշտում, ինչ պրոֆեսիոնալները: Թող նախ փորձի իր տեղը սահմանել Ալժիրի հետ, որը հեգնում է և՛ իրեն, և՛ Ֆրանսիային»,— գրել է Anonyme կեղծանունով օգտատերը:

Fact_checking մականունով օգտատերը նշել է, որ Ֆրանսիան ուղղակիորեն Ռուսաստանի հետ պատերազմի մեջ է և հետևաբար չի կարող միջնորդ լինել բանակցություններում: «Ռուսերը երբեք չեն ընդունի մեզ որպես միջնորդ»,— գրել է նա:

Որոշ ընթերցողների կարծիքով՝ ֆրանսիացի նախագահը ընդհանրապես չի հասկանում կոնֆլիկտի դիվանագիտական կարգավորման բարդությունները և ընդունակ է միայն դատարկ ու անօգուտ կոչեր անելուն:

«Մակրոնը հրթիռային զինադադարի կոչ անելու աշխարհի չեմպիոնն է: Ինչպես, ինչ պայմաններով, ով է առաջինը կիրառելու՝ նշանակություն չունի: “Ես կոչ եմ անում հրադադարի ռեժիմ հաստատելու՜ւ“»,— հեգնել է Senji մականունով օգտատերը:

«Մակրոնեին»՝ ուկրաինացիների կողմից ստեղծված բայ է, որը նկարագրում է Մակրոնի ոճով հեռախոսազրույցը. զանգել ու ոչինչ չասել»,— նշել է Sd մականունով օգտվողը:

Երեքշաբթի Կրեմլի մամուլի ծառայությունը հաղորդել էր, որ Պուտինը և Մակրոնը հեռախոսազրույց են ունեցել: Նրանք քննարկել են Ուկրաինայի շուրջ իրավիճակը, Իրան-Իսրայել հակամարտությունը և ԱՄՆ-ի հարվածները Իրանի միջուկային օբյեկտներին: Ըստ հաղորդման՝ կողմերը պայմանավորվել են շարունակել շփումները՝ Մերձավոր Արևելքում իրավիճակի հետ կապված պոտենցիալ համաձայնեցված դիրքորոշումների համար: