ԱՄՆ նախագահ Դոնալդ Թրամփը ստորագրել է գործադիր հրամանագիր, որով չեղյալ են հայտարարվում Սիրիայի նկատմամբ գործող որոշ պատժամիջոցներ։ Սպիտակ տան հայտարարության համաձայն՝ այս քայլը նպատակ ունի աջակցել Սիրիայի կայունությանը և խաղաղությանը։

Հրամանագրով, մինչդեռ, պահպանվում են պատժամիջոցները՝
— նախկին նախագահ Բաշար Ասադի և նրա համախոհների,
— մարդու իրավունքների խախտողների,
— թմրանյութերի ապօրինի շրջանառության մեջ ներգրավված անձանց,
— քիմիական զենքի հետ կապված անհատների,
— ԴԱԻՇ-ի և նրա հետ կապված խմբերի,
— իրանական միջնորդների դեմ։

Պետքարտուղարությանը հանձնարարվել է վերանայել պատժամիջոցների մասնակի կամ լրիվ կասեցման հնարավորությունը՝ «Կեսարի օրենքով» սահմանված չափանիշներին համապատասխան։ Հրամանագիրը նաև թույլ է տալիս մեղմացնել որոշ ապրանքների արտահանման սահմանափակումները և վերացնում է օտարերկրյա օգնության որոշ արգելքները։

Վերանայման ենթարկվելու են նաև՝
— «Հայաթ Թահրիր աշ-Շամ»-ի՝ որպես ահաբեկչական կազմակերպության, որակավորումը,
— Հայաթ Թահրիրի և Ահմեդ աշ-Շարայի՝ որպես գլոբալ ահաբեկիչների ճանաչումը,
— Սիրիայի՝ որպես ահաբեկչության հովանավոր պետության կարգավիճակը։

Սպիտակ տունը հաղորդել է, որ պետքարտուղարությանը հանձնարարվել է Միավորված ազգերի կազմակերպությունում ուսումնասիրել պատժամիջոցների մեղմացման տարբերակները՝ Սիրիայում կայունությունը ամրապնդելու նպատակով։