Չեչնիայի ղեկավար Ռամզան Կադիրովը իր թելեգրամյան ալիքում հայտնել է, որ իր 17-ամյա որդու՝ Ադամ Կադիրովի հարսանիքին ներկա են եղել բազմաթիվ բարձրաստիճան անձինք։

«Իմ սիրելի բարեկամներ, մեծ ուրախություն էր ինձ համար այս օրերին Գրոզնիում տեսնել բազմաթիվ հարգարժան հյուրերի, ում եմ բարձր գնահատում։ Հատուկ ուրախություն պատճառեցին Իրանի, Արաբական Միացյալ Էմիրությունների, Թուրքիայի և Ղազախստանի դեսպանները։ Նրանք բոլորը եկել էին մեր ընտանիքին շնորհավորելու՝ Կադիրովի թոռան՝ Ադամի հարսանիքի առիթով։ Չեչնիայի Հանրապետության առաջին նախագահ, Ռուսաստանի հերոս Ախմատ-Հաջի Կադիրովի թոռան հարսանիքին ներկա են եղել նաև Ռուսաստանի փոխվարչապետեր Դենիս Մանտուրովը և Ալեքսանդր Նովակը, Հյուսիսային Կովկասում Ռուսաստանի նախագահի լիազոր ներկայացուցիչ Յուրի Չայկան, ԼԴԿ նախագահ Լեոնիդ Սլուցկին, Մոսկվայի մարզի նահանգապետ Անդրեյ Վորոբյովը, Ռուսաստանի տարածաշրջանների ղեկավարները, համաշխարհային սպորտի աստղեր, ինչպես նաև գիտության, մշակույթի ու կրոնական գործիչներ»,- գրել է Կադիրովը։

Չեչնիայի ղեկավարը շնորհակալություն է հայտնել նաև Ռուսաստանի վարչապետ Միխայիլ Միշուստինին, Պետդումայի նախագահ Վյաչեսլավ Վոլոդինին, նախագահի աշխատակազմի ղեկավար Անտոն Վայնոյին և Դաշնության խորհրդի նախագահ Վալենտինա Մատվիենկոյին՝ շնորհավորանքների համար։