Ավտովթար Կոտայքի մարզում՝ վնասվածքներով հոսպիտալացվել է 4 մարդ

Այսօր, հունիսի 30-ին, ժամը 14:10-ի սահմաններում, Եղվարդ-Աբովյան ավտոճանապարհին՝ Զովունի վարչական տարածքում տեղի է ունեցել ավտովթար: Բախվել են բեռնատար «Գազել» և «ՎԱԶ 2107» մեքենաները:

Տուժածները տարբեր աստիճանի մարմնական վնասվածքներով տեղափոխվել են «Արմենիա» բժշկական կենտրոն: Առաջին օգնությունը նրանց ցուցաբերել են Եղվարդի հիվանդանոցի շտապօգնության բժիշկները և տեղացի բնակիչները:

Վթարի հետևանքով «Գազել»-ը դուրս է եկել երթևեկելի գոտուց և բախվել ճամփեզրի բետոնե հենասյուներին, որոնցից մեկը տեղահանվել է:

Ոստիկանության և քննչական մարմինների միջամտություն

Դեպքի վայր են ժամանել Կոտայքի մարզի ոստիկանության պարեկային ծառայության աշխատակիցներ՝ սահմանազատելով տարածքը: Ներկա են գտնվել նաև համայնքային ոստիկանության Նաիրիի բաժնի ղեկավարությունը:

Քննչական գործողություններ իրականացնելու համար ժամանել է Կոտայքի մարզի քննչական վարչության Նաիրիի բաժնի աշխատանքային խումբ: Բացվել է քրեական գործ՝ պարզելու վթարի հանգամանքները:

Նախնական տվյալներով՝ բեռնատար «Գազել»-ը պատկանում է «Էլնոր» ընկերությանը:

Ծանուցում: Ենթադրյալ հանցանքի մեջ կասկածվողը կամ մեղադրվողը համարվում է անմեղ, մինչև որ նրա մեղավորությունն ապացուցվի դատարանի վճռով: