ՎԱՇԻՆԳՏՈՆ, 29 հունիսի — Դեմոկրատ սենատոր Քրիս Քունսը կարծում է, որ ԱՄՆ սենատը հաջորդ շաբաթ կարող է նոր պատժամիջոցների մասին օրինագիծ ընդունել Ռուսաստանի դեմ: «Սենատորներ Գրեհեմը (Լինդսի) և Բլյումենթալը պատրաստել են պատժամիջոցների օրինագիծ, որը, հուսով եմ, մենք կքննարկենք և կընդունենք հաջորդ շաբաթ», — հայտարարել է Քունսը Fox News հեռուստաալիքին տված հարցազրույցում: Կիրակի օրը Գրեհեմը հայտարարել էր, որ ամերիկացի սենատորները հուլիսին կսկսեն քննարկել Ռուսաստանի դեմ նոր պատժամիջոցների օրինագիծը: Fox News-ին տված իր հարցազրույցում Գրեհեմը պնդել էր, որ ԱՄՆ նախագահ Դոնալդ Թրամփն անձամբ իրեն ասել է, որ ժամանակն է, որ կոնգրեսն ընդունի այդ փաստաթուղթը: Ռուսաստանի հանդեպ իր կոշտ դիրքորոշման համար հայտնի Գրեհեմը նախկինում ներկայացրել էր պատժամիջոցների օրինագիծ, որը նախատեսում էր ԱՄՆ-ի կողմից 500%-անոց մաքսատուրքեր սահմանել այն երկրներից ներկրվող ապրանքների վրա, որոնք նավթ, նավթամթերք, բնական գազ և ուրան են գնում Ռուսաստանից: Հետագայում լրատվական գործակալությունը հայտնել էր, որ սենատորները պատրաստ չեն օրինագիծն ընդունել առանց Թրամփի հավանության, իսկ Եվրահանձնաժողովի ղեկավարը Գրեհեմին ասել էր, որ Ռուսաստանի դեմ պատժամիջոցները պետք է համակարգված լինեն:* Ներառված է Ռուսաստանում ահաբեկիչների և ծայրահեղականների ցանկում: