Քաղաքականություն

«Եվրամիության դրոշի օրը»՝ այսօր պաշտոնապես նշվում է Եվրոպայում

29 Հունիսի, 2025

**Եվրոպան նշում է ԵՄ դրոշի 40-ամյակը**

Եվրոպան տոնում է իր ամենահայտնի խորհրդանիշներից մեկի՝ կապույտ ֆոնի վրա ոսկեգույն աստղերով զուգորդված դրոշի 40-ամյակը: Դրոշի վրա պատկերված 12 աստղերը խորհրդանշում են «Եվրոպայի ժողովուրդների միասնությունն ու համերաշխությունը»:

1983 թվականին Եվրոպական խորհրդարանի անդամները որոշեցին այս դրոշն ընդունել որպես Եվրոպական համայնքների (որը հիմք հանդիսացավ ներկայիս Եվրոպական Միությանը) պաշտոնական խորհրդանիշ: Երկու տարի անց Եվրոպական խորհուրդը, որն այդ ժամանակ ուներ 10 անդամ պետություն, հաստատեց այդ որոշումը:

1986 թվականին, երբ Պորտուգալիան ու Իսպանիան միացան դաշինքին, դրոշը սկսեց լայն կիրառություն գտնել՝ տեղադրվելով պաշտոնական շենքերում:

Եվրոպայի միասնական դրոշի գաղափարը ծագել էր դեռևս Երկրորդ համաշխարհային պատերազմից առաջ: Որպես տարբերակներ քննարկվել են սպիտակ ֆոնի վրա կանաչ խաչը, տարբեր գույների ֆոնի վրա եռանկյունիները, նույնիսկ Եվրոպայի բոլոր երկրների դրոշների գույների յուրօրինակ համադրությունը:

Սակայն 1953 թվականին Եվրոպայի խորհրդի անդամները հաստատեցին ներկայումս գործող դիզայնը: Պաշտոնական կարգավիճակ այն ստացավ 1955 թվականի դեկտեմբերին:

դիտվել է: 67

ՀՀ Սահմանադրական Թեստ - Անմիջական Ստուգում

«Եվրամիության դրոշի օրը»՝ այսօր պաշտոնապես նշվում է Եվրոպայում

Նման նյութեր

Դիտեք Նաև

«ՀԷՑ-ում 2016-2025 թթ. 270 մլրդ դրամի ներդրումներ են իրականացվել. Վերահսկողական կոմիտեի հաղորդում»

«Նարեկ Կարապետյանը վաղը մեկնում է Վայոց Ձոր»

Վանաձորում բախվել են «Mercedes»-ը և «Chery iCAR»-ը

Bild. Գերմանիայի ոստիկանությունը շրջափակել է Մյոնխենգլադբախի կենտրոնը՝ ռումբի սպառնալիքի պատճառով