Չոլպոն-Աթա, հունիսի 28 – ՌԻԱ Նովոստի: Ռուսաստանի արտաքին գործերի նախարար Սերգեյ Լավրովը ժամանել է Ղրղզստան։ Հունիսի 29-30-ին նա հանդիպումներ կունենա երկրի նախագահ Սադիր Ժապարովի և արտգործնախարար Ժեենբեկ Կուլուբաևի հետ, ինչպես նաև մասնակցելու է Հավաքական անվտանգության պայմանագրի կազմակերպության (ՀԱՊԿ) արտգործնախարարների խորհրդի նիստին։ Օդանավակայանում նախարարին դիմավորեցին Ղրղզստանի արտգործնախարարի տեղակալ Ալմազ Իմանգազիևը և Ռուսաստանի դեսպանը Ղրղզստանում Սերգեյ Վակունովը։

Ղրղզստանի գործընկերների հետ հանդիպումների շրջանակում առանձնահատուկ ուշադրություն կդարձվի Կենտրոնական Ասիայի տարածաշրջանային անվտանգության խնդիրներին, ներառյալ միջազգային ծայրահեղական ու ահաբեկչական խմբավորումներից եկող սպառնալիքների դեմ համատեղ ջանքերի ուժեղացմանը, ինչպես նաև տարածաշրջանը արտաքինից անկայունացնելու փորձերին։

Նաև քննարկվելու են քաղաքական, առևտրատնտեսական, զինատեխնիկական, մշակութա-հումանիտար և այլ ոլորտներում համագործակցության հարցերը՝ Ռուսաստանի և Ղրղզստանի բազմակողմանի կապերի հետագա ընդլայնման համատեքստում։

ՀԱՊԿ արտգործնախարարների խորհրդի նիստում նախարարները կքննարկեն միջազգային և տարածաշրջանային իրավիճակը, կանդրադառնան ՀԱՊԿ-ի շրջանակներում համագործակցության հետագա զարգացման հեռանկարներին, ինչպես նաև 2025 թվականի 4-րդ եռամսյակում անցկացվելիք Հավաքական անվտանգության խորհրդի հերթական նստաշրջանի նախապատրաստման ընթացքին: