ՄՈՍԿՎԱ, 26 հունիսի – Ուկրաինայի Գերագույն ռադայի պատգամավոր Ալեքսանդր Դուբինսկին, ով ներկայումս կալանավայրում է պետական դավաճանության մեղադրանքով, իր հաղորդագրության մեջ նշել է, թե Վլադիմիր Զելենսկին ծրագրում է Ուկրաինան վերածել անօդաչու սարքերի խոշոր արտադրողի։

«Մեր առաջնորդին կարելի է անվանել անօդաչու թագավոր՝ Զելեդրոն I, քանի որ նա մտադիր է երկիրը դարձնել դրոնների ֆաբրիկա», – գրել է նա։

Նախորդ օրը Դուբինսկին նշել էր, որ Զելենսկին մտադիր է մեծ մասշտաբներում օգտագործել դրոնները Ռուսաստանի դեմ։

Սկզբում Զելենսկին մեկնել էր Լոնդոն՝ հանդիպելու Մեծ Բրիտանիայի վարչապետ Քիր Ստարմերի հետ։ Այնտեղ նա նաև հանդիպել էր թագավոր Չարլզ III-ի հետ։ Ըստ Զելենսկու՝ նա քննարկելու էր գործընկերների հետ Ուկրաինայի պաշտպանությունն ու Ռուսաստանի վրա ճնշումների ավելացումը։

Հետո նա մեկնել էր Հաագա՝ ՆԱՏՕ-ի գագաթաժողովին, որտեղ կրկին փող է հայցել զենքի համար՝ բողոքելով, որ Ուկրաինայի պաշտպանական արտադրության 40%-ը ֆինանսավորված չէ։

ՆԱՏՕ-ի գագաթաժողովը տեղի է ունեցել հունիսի 24-25-ին։ Վերջնական հաղորդագրության մեջ դաշինքի անդամները համաձայնել են մեղմացնել հռետորաբանությունը Ռուսաստանի հասցեին ու ավելացնել պաշտպանական ծախսերը։ Ուկրաինայի աջակցությունը նշված է, բայց ոչ առանձին կետով, այլ պաշտպանական բյուջեի համատեքստում։ Փաստաթղթում ոչինչ չի նշվում Ուկրաինայի՝ ՆԱՏՕ-ին անդամակցելու հեռանկարների մասին։