Աշոտ Փաշինյանը՝ վարչապետ Նիկոլ Փաշինյանի որդին, հունիսի 27-ին Facebook-ում մի շարք գրառումներ է թողել։ Դրանցում նա անդրադարձել է եկեղեցու դերը, անվտանգության հարցերին ու քաղաքական իրավիճակին։

«Դուք գիտե՞ք, որ եկեղեցու պատերի հետևից կարող եք ինչ որ ուզում եք անել։ Մարդիկ կգործուղեք՝ մասշտաբային արյունահեղություններ կազմակերպելու, ռազմական հեղաշրջումների կոչ անելու, փողոցներն արյունով լցնելու, իսկ հետո Աստծո անունը տալով՝ արդարադատությունից կհեռացվե՞ք։ Աստված ու կրոնն ձեզ համար սպանություններն արդարացնելու միջոց են դարձել», – գրել է նա։

Աշոտ Փաշինյանը նշել է, որ պետության գործողություններն ավելի քան օրինական են ու արտահայտում են արդարադատության պահանջը. «Շատ ավելին պետք է արվի։ Մասշտաբային արյունահեղությունների մեջ ներգրավված բոլոր անձինք ձերբակալվեն, իսկ կասկածյալները պետք է լինեն խիստ հսկողության տակ»։

Հետագայում նա մեկնաբանել է ՊՎԾ նախկին պետ Դավիթ Սանասարյանի գրառումը, որում վերջինս նշել էր. «Ձեր գզվռտոցն ու շոուները Մայր Աթոռի տարածքից դուրս արեք»։ Աշոտ Փաշինյանը պատասխանել է. «Դավիթը սա գզվռտոց է անվանում, կարծես չի լսել այն, ինչ բոլորս լսել ենք երկու օր առաջ։ Հայաստանում այս էջը պետք է փակվի, որպեսզի քաղաքականությունը դառնա երկրի իրական խնդիրների շուրջ, այլ ոչ թե գոյատևման պայքար»։

Նա շեշտել է, որ բոլոր ժողովրդավար ուժերը պետք է պահանջեն ահաբեկչական խմբավորումների արգելումը. «Հայաստանում չպետք է լինեն բանդաներ ու արյունարբու խմբեր: Իշխանությունը պատկանում է ժողովրդավար ուժերին, իսկ քաղաքականությունն անհրաժեշտ է վարել կյանքի իրական հարցերի շուրջ, այլ ոչ թե հասարակության բաժանման պայմաններում»: