ՏՈՔԻՈ, հունիսի 27. Ճապոնիայում կատարվել է Տակահիրո Շիրաիշու մահապատիժը, ով սպանել և մասնատել էր 9 մարդու։ Դա հաղորդում է «Կյոդո» լրատվական գործակալությունը՝ հղում կատարելով տեղեկացված աղբյուրների։ Մահապատժի ճշգրիտ ամսաթիվը դեռ չի հաստատվել։

2017 թվականին Ճապոնիայում ցնցում առաջացրեց երկու ամսվա ընթացքում երիտասարդի կատարած դաժան սպանությունների շարանը։ Այն ժամանակ Շիրաիշին ապրում էր Տոկիոյի մոտ գտնվող Կանագավա պրեֆեկտուրայի Dզամա քաղաքում։

Հանցագործությունը պատահաբար բացահայտվեց. անհայտացած աղջկա եղբայրը գիտեր նրա գաղտնաբառերը և տեսավ նրա նամակագրությունը Շիրաիշիի հետ, որտեղ աղջիկը, մասնավորապես, քննարկում էր ինքնասպանության հնարավորությունը և փնտրում էր մեկին, ով կցանկանար դա անել իր հետ միասին։

Կասկածյալի բնակարանում ռեյդի ժամանակ հայտնաբերվեցին ևս ութ մարդու գլուխներ և մարմնի այլ մասեր։ Շուտով նա խոստովանեց սպանությունները, ավելացնելով, որ «այնքան շատ է սպանել, որ այլևս չի հիշում, թե ով ով է»։ Ոստիկանությունը ԴՆԹ վերլուծություն է կատարել բոլոր զոհերի անունները պարզելու համար։

2020 թվականի դեկտեմբերին Տոկիոյի դատարանը Տակահիրո Շիրաիշիին մեղավոր ճանաչեց ինը մարդու սպանության մեջ և դատապարտեց մահապատժի։ Դատարանը որոշեց, որ երիտասարդի խելամտությունը հաստատվել է բժշկական զննությունների արդյունքում, ինչը նշանակում է, որ նա պատասխանատու է իր արարքների համար։

Բացի դաժան սպանություններից, Շիրաիշին նաև մեղավոր ճանաչվեց զոհերի մարմինները մասնատելու և դրանց մնացորդները պահելու մեջ։