**Վեճի հետևանքով տղամարդ վնասվածքներ է ստացել Լոռու մարզում**

Հունիսի 9-ին, ժամը 21:30-ի սահմաններում, Լոռու մարզում վիրավորությամբ բժշկական օգնություն է դիմել մի տղամարդ։ ՀՀ ՆԳՆ Տաշիրի բաժնին տրամադրվել է տեղեկություն, որ անձը՝ «ձախ արտաքին լսուղու արյունային արտադրություն» ախտորոշմամբ, դիմել է «Տաշիր» բժշկական կենտրոն։ Նա հայտնել է, որ վնասվածքը ստացել է Լոռու մարզի Գոգավան գյուղում վայր ընկնելու հետևանքով։

Ոստիկանության Տաշիրի բաժնի օպերատիվ խումբը՝ Արամ Չթչյանի ղեկավարությամբ, մեկնել է հիվանդանոց։ Պարզվել է, որ ծանր վիճակում գտնվողը Լոռու մարզի բնակիչ 41-ամյա Արման Ս.-ն է։

Ստուգումների արդյունքում բացահայտվել է, որ հունիսի 9-ին, ժամը 20:30-ի սահմաններում, Գոգավան գյուղի բեռնատար մեքենաների կայանատեղում վեճ է ծագել Արման Ս.-ի ու 58-ամյա Վարդան Շ.-ի միջև։ Վերջինս կայանման վճարի կապակցությամբ բախվել է Արման Ս.-ի հետ։ Հետագայում վեճին միացել են Վարդան Շ.-ի երկու որդիները՝ 25-ամյա Վանո Շ.-ն ու 22-ամյա Նարեկ Շ.-ն, ինչպես նաև Արման Ս.-ի հայրը՝ 68-ամյա Զավեն Ս.-ը։

Ըստ տեղեկատվության՝ Վարդան Շ.-ն և նրա որդիները ձեռքերով ու ոտքերով հարվածներ են հասցրել Արման Ս.-ին, ինչի հետևանքով վերջինս ստացել է մարմնական վնասվածք։

Ոստիկանության Տաշիրի բաժինը կազմել է դեպքի փաստաթղթեր, որոնք ուղարկվել են ՀՀ Քննչական կոմիտեի Լոռու մարզային քննչական վարչության Ստեփանավանի բաժին։

**Ծանուցում.** Ենթադրյալ հանցանքի մեջ մեղադրվող անձինք անմեղ են մինչև նրանց մեղավորությունը դատարանի վերջնական դատավճռով հաստատվելը՝ համաձայն ՀՀ օրենսդրության։