**Ողբերգական դեպք Երևանում. մարդ է նետվել Կիևյան կամրջից**

Այսօր՝ հունիսի 25-ին, Երևանում ողբերգական դեպք է տեղի ունեցել։ Ժամը 15:30-ի սահմաններում ՀՀ ՆԳՆ ոստիկանության Մաշտոցի բաժինը օպերատիվ տեղեկություն է ստացել, որ քաղաքացի Կիևյան կամրջից իրեն ցած է նետել։

Ինչպես հաղորդում է ֆոտոլրագրող Գագիկ Շամշյանը, դեպքի վայր են ժամանել ոստիկանության Մաշտոցի բաժնի պետ Սամվել Խմելյանը և բաժնի պետի տեղակալ Գևորգ Պողոսյանը։

Վայր են հասել նաև Երևանի թիվ 7-րդ հրշեջ-փրկարարական ջոկատի մարտական հաշվարկը, ինչպես նաև Պարեկային ծառայության Երևանի գնդի 3-րդ գումարտակի 3-րդ վաշտի պարեկները՝ գումարտակի հրամանատար Արմեն Գասպարյանի և վաշտի հրամանատար Սուրեն Ալեքսանյանի գլխավորությամբ։

Տարածքը սահմանազատել են նույն վաշտի պարեկներ Սերյոժա Ադամյանը և Տիրայր Անտոնյանը։

Ոստիկանությունը դեպքի մասին տեղեկացրել է ՀՀ ՔԿ Երևան քաղաքի քննչական վարչության Աջափնյակ և Դավիթաշեն վարչական շրջանների քննչական բաժիններին։ Քննչական խումբը՝ բաժնի պետ Էդգար Բալոյանի և հերթապահ քննիչի գլխավորությամբ, ժամանել է դեպքի վայր։

Դեպքի փաստով քննչական բաժնում նախաձեռնվել է քրեական վարույթ, և պարզվում է մահացածի ինքնությունը։

**Ծանուցում.**
Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի օրինական ուժի մեջ մտած դատավճռով։