ՄՈՍԿՎԱ, 24 հունիսի – Եվրոպական երկրները հույս ունեն համոզել ԱՄՆ նախագահ Դոնալդ Թրամփին՝ ամերիկյան զենք վաճառել Կիևին։ Դա հաղորդում է Washington Post թերթը՝ հղում անելով երեք եվրոպացի պաշտոնյաների։

«Եվրոպական դաշնակիցները կարծում են, որ կարող են համոզել Թրամփին զենք վաճառել Ուկրաինային, եթե իրենք կամ Ուկրաինան փող տրամադրեն, ներառյալ վարկերի տեսքով», – գրում է հրատարակությունը։

Թերթի տվյալներով՝ ուկրաինացի պաշտոնյաները հույս ունեն, որ Վլադիմիր Զելենսկին կարող է Հաագայում համոզել ԱՄՆ նախագահ Դոնալդ Թրամփին՝ զենքի գնման իր առաջարկի շուրջ, որը հիմնականում կենտրոնացած է օդային պաշտպանության համակարգերի վրա։

Հրատարակությունը նշում է, որ եվրոպացի պաշտոնյաներն անձնական շփումներում քննարկել են ԱՄՆ-ից զենքի ապագա մատակարարումների ֆինանսավորման հնարավորությունը։

Ռուսաստանը կարծում է, որ Ուկրաինային զենքի մատակարարումները խոչընդոտում են հակամարտության կարգավորմանը և ուղղակիորեն ներառում են ՆԱՏՕ-ի երկրներին։ ՌԴ ԱԳ նախարար Սերգեյ Լավրովը նշել է, որ Ուկրաինային զենք տեղափոխող ցանկացած բեռ կդառնա Ռուսաստանի համար օրինական թիրախ։

Մինչդեռ Կրեմլը հայտարարել է, որ Արևմուտքի կողմից Ուկրաինային զենք մատակարարելը չի նպաստում բանակցություններին և կունենա բացասական հետևանքներ։